Hebrearja 11:13 - O Debleskro Lab 2024 (Sinte-Manouche)

¹³ Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

O Debleskro Drom 2021 (Sinte)

¹³ Kol phure patsle meran lauter. Ninna te lan le kowa gar, hoi kamas o Dewel len te dell, patsan le, te lenn le les. Jon dikan kowa dur glan pende, un his bachtelo pral kowa. Jon penan pendar, te hi len kek them ap i phub, un te hi le kate gar khere.

Hebrearja 11:13 ပူးပေါင်းရင်းမြစ်များ

1. Mose 21:34

Oun o Abraham ačas i rah tsiro an o them Filistia.

1. Mose 23:4

Oun yob penas ap lende: “Me hom mank t'mende i vi-themari. Man hi kek kotar them pash t'mende. Kanna mangau t'men: Denn man i kotar them pash t'mende, te paskrap miri mouli romyat.”

1. Mose 25:8

Les his i rah djipen. Oun yob meras an o mishto phourepen oun vas paskedo.

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

1. Mose 48:21

Oun o Israel penas ap o Yosefeste: “Me merau. O Devel hi pash t'mende oun anell t'men pale an t'maro dadengro them.

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

1. Mose 49:18

Baro Devel, ab ap miri rig!

1. Mose 49:28

Kolla lauter hi i deesh-te-douy bare familye, hoy venna o Israeleskre deesh-te-douy čavendar. Kol labentsa penas lenge lengro dad, har lenge djala an ko tsiro, kay vella. Hakeneske his les i vavar lab.

1. Mose 49:33

Har o Yakob kova peskre čavenge penas, tserdas yob peskre herya ap o čiben oun meras.

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

Hiob 19:25

Me djinau, te djivell o Devel, kova, kay miro koova an peskro vast lell. Oun an o tsillo, kay o čačepen vin rakedo vell pral kay phoub, hi yob miro rakepaskro.

Debleskri gili 119:19

Me hom gar khere ap kay phoub. Mouk man te hayvap tire laba!

Debleskri gili 39:12

Tou te deh o menshes i phagi, te anas lo doosh ap peste, palle djal lo yaake paash har i ripen, hoy rhalo vell i kirmestar. Ava, o mensheskro djipen hi či bouder har i dourho.

2. Mose 2:22

Har yoy i morsh čavo ap i phoub anas, penas o Mose: “Me nashom an i them, hoy hi gar miro them. Doleske dau les ko lab Gershon.”

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

4. Mose 10:30

Koy penas o Hobab: “Me kamau gar t'mentsa te djal. Me kamau an miro them oun pash mire menshende te djal.”

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

Mateo 13:17

Čačepah me penau t'menge: An o phouro tsiro his boud Debleskre rakepangre oun vavar menshe, kay kran, hoy o Devel kamella. Kolla kaman te dikell, hoy t'mer dikenna, oun dikan les gar. Oun yon kaman te shounell, hoy t'mer shounenna, oun shounan les gar.

Johanni 12:41

Glan i rah tsiro dikas o Yesaya o Yezouseskro raylepen oun rakras lestar. Doleske penas yob kova glan-vi.

Johanni 8:56

O Abraham, t'maro dad, his barhtelo, har yob dikas, kay me vau. Yob dikas kava dives, oun his barhtelo.”

Remarja 4:21

Peskro tselo djiyeha djinas lo, o Devel nay krell kova, hoy yob penas.

Remarja 8:24

Ninna te djinah, o Debleskro djipen hi maro, dikah mer ap ko tsiro, kay lah les čačepah. Men te vals ko djipen, palle hounte dikams bouder gar ap ko tsiro, kay mer lah les.

2. Korintarja 4:18

Kava raylepen hi menge. Mer dikah gar ap kova, hoy i menshe nay dikenna. Na-a, mer dikah ap kova, hoy kanna kek nay dikella. Kova, hoy yon kanna dikenna, hi yek kopo bouder gar koy. Kova, hoy yon gar dikenna, kova ačella hako tsireske.

2. Korintarja 5:6

Doleske ačell maro dji zorelo. Mer djinah: Yaake rah, har djivah ap i phoub, ham gar khere pash maro rayeste, o Yezouseste.

Efesarja 2:19

Kanna han t'mer bouder gar save menshe, kay vin hi oun o Debles gar prindjrenna. Na-a, khetne kol vavar patslentsa han t'mer kanna o Debleskre menshe oun han khere pash leste.

Hebrearja 11:14

Kolla, kay yaake rakrenna, rodenn i vavar them, hoy lengro hi, oun kay yon khere hi.

Hebrearja 11:17

T'mer djinenna: An o phouro tsiro kamas o Devel te dikell, har baro o Abrahameskro patsepen hi. Oun o Devel penas ap leste, te marell yob peskro čaves har i bakro, hoy o Debleske maredo vella. Oun o Abraham shounas ap o Debleste, oun las peskro čaves, kay leske kokres boldo vas, te marell lo les glan o Debleste. Glan kava tsiro penas o Devel ap o Abrahameste: Tiro čavo, o Isaak, hi o dad kolendar, kay pal toute venna.

Hebrearja 11:27

Dran peskro patsepen djas o Mose vin dran o them Egiptia, oun daras gar o baro rayestar pral o them Egiptia, te vell yob rhoyedo ap leste. Na-a. Yob rikras yaake ap o Debleste, koles kek nay dikella, har te dikals les lo peskre yakentsa.

Hebrearja 11:39

Kolla lauter patsan ap o Debleste, oun yob dikas lačes ap lende. Fothe lačes yob ap lende dikas, las gomme kek lendar kova, hoy o Devel kamell peskre čavende te dell.

1. Petro 1:1

Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

1. Johanni 3:19

Te kamah i menshen yaake, djinah, kay ham an o čačepen. Yaake hounte trashas gar o Deblestar.