Hebrearja 10:4 - O Debleskro Lab 2024 (Sinte-Manouche)

⁴ Della kek drom, kay lell nay o groumyengro rat oun o bakrengro rat i doosh i menshendar krik.

O Debleskro Drom 2021 (Sinte)

⁴ Della kek drom, kai lell nai o grumjengro rat un o bakrengro rat i doosh i menshendar krik.

Hebrearja 10:4 ပူးပေါင်းရင်းမြစ်များ

Debleskri gili 51:16

Me anom rat ap mande, ma de man moulo, miro Devel! Tou hal o Devel, kay lell man vin dran o merepen. Oun me kamau tiro čačepen te sharell.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jeremia 6:20

Me poučau či pal o soungepaskro koova dran o them Saba, oun pal ko goudlo soungepaskro djet, hoy vell dran i dour them. Kol firhe, hoy t'mer mange rhačrenna, kamau me gar. Oun ap kol firhe, hoy t'mer mange marenna, dikau gar lačes.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Markus 12:33

Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Remarja 11:27

Ap ko tsiro, kay lau lengro čilačepen lendar krik, penell o Devel, hi kova kerdo, hoy me lenge penom, oun miro vast pre dom.

Hebrearja 10:1

Kova, hoy an o Moseskre lila činlo hi, sikrell men gar o tselo bolepaskro bravlepen, hoy kamell o Devel i menshende te dell. Na-a, i tikno kotar kolestar. Kolla, kay anenn marede firhen glan o Debleste, venn gar doleske čačo oun erligo glan leskre yaka. Te vans le čačo oun erligo, hounte anans le gar hako bersh pale firhen glan leste.

Hebrearja 10:11

Hako rashay krell hako dives peskri boudi, oun marell boud kope firhen o Debleske. Kal firhe nay lenn gar i doosh i menshendar.

Hebrearja 10:8

Ninna te hi činlo an o Moseskre lila, te marenn le firhen o Debleske, penas o Yezous Kristo: Tou, mo Devel, kamal gar, te anenn le touke marede firhen oun vavar koova, vitar kek firhen, hoy yon touke rhačrenna, te less tou lengri doosh lendar. Tou dikeh gar lačes ap kova.

Hebrearja 9:9

I glanstouni isema sikrell mende ko tsiro, an hoy mer kanna djivah. I menshe anenn firhen, oun vavar koova o Debleske. Kova lauter nay krell lengro dji gar djoudjo. An lengro dji hayvenn le, te hi le gomme čilačo.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.