Hebrearja 10:22 - O Debleskro Lab 2024 (Sinte-Manouche)

²² Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

O Debleskro Drom 2021 (Sinte)

²² Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 10:22 ပူးပေါင်းရင်းမြစ်များ

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Familjakro liil 12:33

Dran o kheer Issakar, 200 pralstoune, kay dikan nay, hoy o Israel hounte krella, oun kaana o čačo tsiro koleske vas. Lengre tsele phrala shounan ap lengro lab.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Debleskri gili 111:1

Sharedo vell o baro Devel! Miro tselo djiyestar sharau o baro Debles kote, kay kolla khetne venna, kay o čačo drom djan.

Debleskri gili 119:10

Miro tselo djiyeha rodau tout. Ma mouk man te moukap tire laba.

Debleskri gili 119:145

O tselo djiyeha dom me gole. Shoun man, mo baro Devel! Me kamau lauter te krell, hoy tou mandar kameh.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 119:58

Miro tselo djiyeha rodau me tiro kamlepen. Ab mange lačes yaake har tou les penal.

Debleskri gili 119:69

Kol pre-phourde anan rhorhepen pre ap mande. Miro tselo djiyestar krau me kova, hoy tou menge penal.

Debleskri gili 119:7

Me parkrau man pash toute o tselo djiyestar, te sikreh tou mange tire čačepaskre laba.

Debleskri gili 119:80

Mouk miro dji ap tiro drom te ačell, te krap, hoy mandar kameh, yaake te hounte ladjap man gar.

Debleskri gili 32:11

T'mer, kay an o čačepen tardo han, avenn barhtelo pral t'maro baro Debleste! Moukenn t'mare djia san oun bashrenn! Denn gole i barhtyatar, t'mer lauter, kay shounenn o tselo djiyeha ap o Debleste.

Debleskri gili 51:10

Mouk man pale barht te hayvell! Tou phagal man, kanna mouk man pale te stell!

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 9:1

I gili o rayeske pral i gipangre, te givell har koy gili Muth labben. O David kras kay gili.

Debleskri gili 94:15

I čačepangre morsha djan pale pal o čačepen. Oun lauter, kay o čačo drom djan, rikrenn pen ap kova.

2. Mose 29:4

An o Arones oun leskre čaven pash o voudar glan o Debleskro plarhteno kheer, oun le pani oun thob len!

Gosewe laba 23:26

Miro čavo, kre tiro dji mange pre, oun dja ap mire dromma!

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jesaja 52:15

Oun kanna dikenn boud menshe dran vavar themma bare yakentsa ap leste, oun lengre rayenge ačell o rakepen krik. Kova, hoy lenge gar dren ginlo vas, dikenn le kanna. Oun kolestar yon či shounan, kova dikenn le oun hayvenn les.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Jeremia 30:21

Oun lengro ray vell dran lende. Ava, lengro pralstouno hi yek lendar. Me moukau les glan mande te vell. Kek nay vell glan mande oun ačell djido, te moukau les gar. Kova penell o baro Devel.

Ezekiel 16:9

Oun me thovom tout an pani, oun thovom o rat toutar tele, oun makom tout djeteha.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

3. Mose 14:7

oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

3. Mose 16:4

Glanstounes hounte thovell lo pes, oun rivell i rashayengre koola an: ko layntikro gad, oun ko layntikro rholop koy tel. Yob pandell i pereskro layntikro pandepen troul peste, oun i shereskro pandepen troul peskro shero.

3. Mose 8:6

Oun yob moukas o Arones oun leskre morsh čave glan te vell, oun thovas len o panyeha.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

4. Mose 8:7

Yaake hounte kress tou lentsa, te kreh tou len erligo: Tou čivess pani ap lende, te vell lengri doosh krik lino. Oun yon hounte činenn halauter pengre balla tele, oun thovenn pengre koola, oun krenn pen yaake djoudjo oun erligo.

Mateo 3:11

Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Louka 1:1

Lačo Theofilo, boud menshe činan an i liil, hoy o Devel mashkral mende kras.

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Johanni 8:9

Har yon kova shounan, djan le penge, yek pal o vavar. I phoureder djan sikeder lendar, har kol vavar. Yob ačas kokres koy romyah, kay kote tardo his.

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”

Bičepangre 8:21

Kava koova, hoy mer krah, hi o Debleskro koova oun gar tiro koova. Tiro dji hi gar čačo glan o Debleste.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Efesarja 3:12

oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

Efesarja 6:5

T'mer boudepangre, kay hounte boudrenn t'mare rayenge, ap t'mende penau: Shounenn ap t'mare rayende! Darenn lendar oun boudrenn lenge, har te boudrans o Yezous Kristeske!

1. Timoteo 4:2

Kolla, kay anenn len o čačo dromestar tele, hi rhorhene, kay penenn pendar, te hayvenn le o čačepen. Oun yon djinenn bouder gar, hoy mishto oun čačo hi. Ninna hayvenn le gar, havo čilačo koova yon krenna.

Tito 3:5

oun anas men pash peste. Hams gar moldo, te kras yob kova. Ninna te kram gar lačo oun čačo koova, his o Debles i baro dji menge. Doleske thovas lo mari doosh mendar tele, oun mer vam leskre čave. Kava nevo djipen das men o Debleskro Dourho.

Hebrearja 10:1

Kova, hoy an o Moseskre lila činlo hi, sikrell men gar o tselo bolepaskro bravlepen, hoy kamell o Devel i menshende te dell. Na-a, i tikno kotar kolestar. Kolla, kay anenn marede firhen glan o Debleste, venn gar doleske čačo oun erligo glan leskre yaka. Te vans le čačo oun erligo, hounte anans le gar hako bersh pale firhen glan leste.

Hebrearja 10:19

Mire phrala, shounenn! Har o Yezous Kristo menge meras, oun peskro rat ratas, kras lo menge i voudar pre, te nay vah glan o Debleste. Men hounte vell bouder kek traash.

Hebrearja 11:28

O Devel penas leske, havi bibarht pral o them Egiptia vella. Oun yob penas leske ninna, hoy i Israelitarya hounte krenn, te vell koy bibarht gar pral lende. Koy patsas o Mose, te vell kova čačo, hoy o Devel penas. Oun o Mose penas ap i Israelitarya, te marenn le bakren, oun te rhan le len – kava rhapen vas kharedo Passa – oun te makenn le i firhengro rat ap pengre voudya. Har palle o bolepaskro vas, te marell lo i tsele phoureder čaven, koy ačan i Israeleskre čave djido. Yon his an i khera, kay o rat ap i voudya hi.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.

Hebrearja 6:11

Mer kamah o djiyestar, te čivell hakeno t'mendar peskro dji ap ko shoukar djipen, hoy kamell o Devel les te dell an o bolepen.

Hebrearja 7:19

O Moseskre laba nay kran i menshen gar čačo glan o Debleste. Doleske sikras men o Devel i nevo oun feteder drom, kay anell men pash leste.

Hebrearja 9:10

Ninna rikrenn pen i menshe ap laba, kay penenna, hoy te rhan le gar, oun hoy te piyenn le gar, oun har te thovenn le pen. Kol laba hi menshengre laba. Kova lauter his mishto yaake rah, har sikras len o Devel gomme gar o feteder drom, te nay venn yon pash leste.

Hebrearja 9:19

Kova lauter djas yaake: O Mose penas i menshenge kol laba, hoy an ko liil tardo hi, kay činlo hi, har te djivenn le. Palle las lo i groumyengro rat oun i bakrengro rat, das pani pashel, oun las i kasht, hoy kharella Hysop, pandas lole bakrengre balla pral pre, oun čivas ko kasht i ballentsa an o rat, oun čoras ko rat ap ko liil oun ap kol menshende,

Jakobo 1:6

Tou te mangeh, hounte patsess, kay leh kova ninna. Te patseh tou kova gar, hal tou har i pani, kay phourdell i zorelo dourho pral oun tradell les kate te kote.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.