Hebrearja 10:2 - O Debleskro Lab 2024 (Sinte-Manouche)

² Te krals kol firhengro rat len yek kopo hako tsireske čačo oun erligo, palle hounte anans le bouder gar pale te pale marede firhen glan o Debleste. Lengre djia vans djoudjo, oun yon nay bistrans ko čilačepen, hoy yon kran.

O Debleskro Drom 2021 (Sinte)

² Te krals kol viechengro rat len jek kopo hako tsireske tchatcho un erligo, palle hunte anans le buder gar pale te pale marede viechen glan o Debleste. Lengre djia wans djudjo, un jon nai bistrans ko tchilatchepen, hoi jon kran.

Hebrearja 10:2 ပူးပေါင်းရင်းမြစ်များ

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Zakarie 9:11

Shounenn, penell o baro Devel, me anau t'mare pandlen vin dran o stilepen, vin dran o them, hoy hi har i brounna, kay kek pani dren hi. Kova vell yaake čačo har koy sovel, hoy t'mentsa dren djom, oun hoy rateha čačo vas.

Hebrearja 10:17

Oun me bistrau lengri doosh. Oun lengro čilačepen vell bouder gar an miro shero.

1. Petro 2:19

Te krenn t'mer, hoy o Devel kamella, oun doleske doukrenn le t'men oun čingrenn ap t'mende, ninna te kran t'mer kek čilačepen, palle sharell t'men o Devel.