Hebrearja 10:1 - O Debleskro Lab 2024 (Sinte-Manouche)

¹ Kova, hoy an o Moseskre lila činlo hi, sikrell men gar o tselo bolepaskro bravlepen, hoy kamell o Devel i menshende te dell. Na-a, i tikno kotar kolestar. Kolla, kay anenn marede firhen glan o Debleste, venn gar doleske čačo oun erligo glan leskre yaka. Te vans le čačo oun erligo, hounte anans le gar hako bersh pale firhen glan leste.

O Debleskro Drom 2021 (Sinte)

¹ Kowa, hoi an o Moseskre lila tchinlo hi, sikrell men gar o tselo bolepaskro brawlepen, hoi kamell o Dewel i menshende te dell. Na-a, i tikno kotar kolestar. Kolla, kai anenn marede viechen glan o Debleste, wenn gar doleske tchatcho un erligo glan leskre jaka. Te wans le tchatcho un erligo, hunte anans le gar hako bersh pale viechen glan leste.

Hebrearja 10:1 ပူးပေါင်းရင်းမြစ်များ

3. Mose 9:16

Palle maras lo ko firho, koleskro tselo mass rhačedo vell, oun kras leha har o baro Devel penas.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Kolossarja 2:17

Me penau t'menge: Kol tsele laba, kay penenn, hoy hounte krenn, oun hoy hounte krenn gar, kol laba das o Devel i bibolden glan i rah tsiro, te sikrell lo len, te vell yek dives, kay kova vella, kay hi bareder har kava tselo koova. Kova vas kanna. Yob hi o Yezous Kristo.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 7:11

Mer djinah, har das o Devel peskre menshende o Moseskre lila, koy penas yob ap o Leviteskre čave, te venn le rashaya. Ninna te kran yon pengri boudi yaake, har lengro dad, o rashay Aron, nay čivan le i menshen gar an o čačepen glan o Debleste. Doleske rodas o Devel i vavar rashayes vin, yek, kay krell peskri boudi yaake har o Melkisedek, oun bouder gar yaake har o Aron.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

Hebrearja 9:11

Kanna vas o Yezous Kristo. Yob hi maro baro rashay oun anas men o bolepaskro bravlepen. O Debleskro kheer an o bolepen, kay yob dren djas, hi bareder oun feteder har ko Debleskro kheer ap i phoub. O Debleskro kheer an o bolepen hi gar i menshendar kerdo.

Hebrearja 9:23

O Debleskro tikno kheer ap i phoub oun lauter, hoy kote dren hi, sikrell mende i tikno kotar ko Debleskro kherestar, hoy hi an o bolepen. O Debleskro tikno kheer ap i phoub hounte vas i firhengro rateha djoudjo oun erligo kerdo. An o Debleskro kheer an o bolepen djas yek, koleskro rat hi lačeder har i firhengro rat.

Hebrearja 9:25

O menshengro baro rashay djal hako bersh o firhengro rateha an o Debleskro kouč isema. O Yezous Kristo meras yek kopo, oun anas peskro rat yek kopo glan o Debleste, oun gar boud kope.