Hebrearja 1:1 - O Debleskro Lab 2024 (Sinte-Manouche)

¹ An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

O Debleskro Drom 2021 (Sinte)

¹ An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

Hebrearja 1:1 ပူးပေါင်းရင်းမြစ်များ

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

Louka 1:55

yaake har penas lo mare phourenge, o Abrahameske oun leskre čavenge, te vell lo lenge lačo hako tsireske.”

Louka 1:72

Les his i baro dji mare phourenge oun bistras gar kova, hoy yob lentsa an o phouro tsiro vin kras oun peskro vast pre das.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Johanni 7:22

Te hi t'mare morsh čave orhta divessa phouro, činenn t'mer len ap o mass, ninna ap o Debleskro Dives. O Mose penas t'menge, te krenn kova. Oun o Mose his gar kokres, kay penas t'menge kova. Ninna t'mare phoure, kay djivan glan leste, penan kova oun rikran pen koy pre.

Johanni 9:29

Mer djinah, kay o Devel o Moseha rakras. Konestar kava vella, djinah mer gar.”

Bičepangre 13:32

Oun mer penah t'menge: Ko lab, hoy o Devel mare phourenge penas, vas kanna čačo, an kava tsiro, kay mer, lengre čave, djivah. O Devel kras o Yezouses i moulendar djido. An i douyti Debleskri gili hi činlo: Tou hal miro čavo. Kava dives vom tiro dad.

Bičepangre 2:30

O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake.

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

Hebrearja 11:2

Savo patsepen his an mare phourende, oun o Devel dikas lačes ap lende.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.

Hebrearja 4:8

Glan o David djivas o Yosua. Kova anas mare phouren an o them Israel. Te vals o them Israel ko them, pral koleste o Devel rakras, rakrals lo boud bersha pal ko tsiro bouder gar pral i vavar dives.

Hebrearja 5:5

Ninna o Yezous Kristo kras pes gar bares oun penas: Me vau baro rashay. Na-a, o Devel rodas les vin, har penas lo ap leste: Tou hal miro čavo. Kava dives vom tiro dad.

Hebrearja 9:19

Kova lauter djas yaake: O Mose penas i menshenge kol laba, hoy an ko liil tardo hi, kay činlo hi, har te djivenn le. Palle las lo i groumyengro rat oun i bakrengro rat, das pani pashel, oun las i kasht, hoy kharella Hysop, pandas lole bakrengre balla pral pre, oun čivas ko kasht i ballentsa an o rat, oun čoras ko rat ap ko liil oun ap kol menshende,