Habakuk 3:4 - O Debleskro Lab 2024 (Sinte-Manouche)

⁴ Leskro shoukapen hi har o kham, hoy pre djal. Har khameskri momeli djal dran leskre vasta vin. Kote dren hi leskri zoor khatedo.

O Debleskro Drom 2021 (Sinte)

⁴ Leskro shukapen hi har o kham, hoi pre djal. Har khameskri momeli djal dran leskre wasta win. Kote dren hi leskri soor khatedo.

Habakuk 3:4 ပူးပေါင်းရင်းမြစ်များ

Nehemia 9:12

Oun tou sikral len o drom. Ap o dives djas i folka glan lende, oun i rati i yag, te vell len i momeli ap o drom, koles yon hounte djan.

Hiob 26:14

Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 18:12

Kali rat his leskro ripen, An kalo pani oun pesse volke his lo khatedo.

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 14:20

te vas li mashkral i Egiptarya oun i Israelitarya. Oun yoy his kali glan i Egiptarya. Pash i Israelitarya his li i momeli an i rat. Oun i tseli rat nay van i Egiptarya gar pash lende.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Ezekiel 1:27

Oun leskro shero oun leskro beč dikan vin har o sonakay, kay o kham pre perell. Oun troul kova trouyel his yagakre čipya. Oun o telstouno kotar, kova hoy vin dikas har leskre herya, his har yag. Oun troul leste his shoukar,

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.