Habakuk 3:2 - O Debleskro Lab 2024 (Sinte-Manouche)

² Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

O Debleskro Drom 2021 (Sinte)

² Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

Habakuk 3:2 ပူးပေါင်းရင်းမြစ်များ

Esra 9:8

Kanna vas men i tikno tsiro baro kamlepen dino toutar, maro baro Deblestar. Tou moukal menshen mendar djides oun anal men pale kote, kay tou khere hal, te djivas mer kote kek trashah. Doleske sanenn mare yaka, oun nevo djipen hi an mende, ninna te ham gomme boudepangre.

Hiob 42:5

Ap ko tsiro djinom či toutar, har kova hoy mange penlo vas. Kanna dikom tout mire yakentsa.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 25:6

Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

Debleskri gili 38:1

I gili o Davidestar, te bistrell les o Devel gar.

Debleskri gili 44:1

I gili o rayeske pral i gipangre. Kay gili hi yekestar dran i familya Korah.

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 85:6

Kameh i tsele tsirya ap mende rhoyedo te ačell? Moukeh tou bouder gar tiri rholyatar tele?

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

Jeremia 46:28

Doleske, ma traash, Yakob, miro boudepaskro, penell o baro Devel. Me hom pash toute. Kol tsele natsyone, kay me tout tradom, moukau gar te djivell. Tout moukau te djivell. Dava hounte dap tout, har touke mishto hi. Kek daventsa nay moukau tout gar.

Ropaskre gilja 3:32

Ninna te doukell lo yekes, vell lo leske pale kamles. Yaake baro hi leskro lačepen.

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Habakuk 3:1

Kava hi ko mangepen, hoy o Debleskro rakepaskro, o Habakuk, o Deblestar mangas.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Zakarie 1:12

Koy penas o bolepaskro: “Baro Devel, tou ray pral o bolepen oun i phoub, har rah kameh tou gar tiro dji pre te krell i menshenge an Yerusalem oun an i vavar forya an o them Youda? 70 (efta-deesh) bersha hal rhoyedo pral lende.”

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Remarja 10:16

Gar halauter shounenn ap ko lačo lab. O Debleskro rakepaskro, o Yesaya penas: Ray, koon patsas kova, hoy mer lenge penam?

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Hebrearja 12:21

Kova lauter, hoy i menshe kote dikan oun shounan, kras len yaake dareno, te penas ninna o Mose: Man hi savi daar, te trissenn mire herya.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.