Habakuk 2:7 - O Debleskro Lab 2024 (Sinte-Manouche)

⁷ Sik stenn kolla pre, kay kamenn toutar love. Yon djangrenn pre, kay touke daar krenn, oun tout čorenn yon vin.

O Debleskro Drom 2021 (Sinte)

⁷ Sik stenn kolla pre, kai kamenn tutar lowe. Jon djangrenn pre, kai tuke daar krenn, un tut tchorenn jon win.

Habakuk 2:7 ပူးပေါင်းရင်းမြစ်များ

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Sikepaskro 10:8

Koon i rheb vin hadella, nay perell koy dren. Oun koon i massouri khetne phagella, koles nay dandrell i sap.

Jesaja 11:13

Palle zilverenn i menshe an Efrayim bouder gar ap kolende an Youda. Oun kolla dran Youda krenn kolenge dran Efrayim bouder kek čilačepen.

Jesaja 41:25

Me dom i rayes gole, te vell lo peskre lourdentsa foun kotar, kay o kham gar diklo vell. Oun yob vas dran peskro them, hoy kote hi, kay o kham pre djala. Oun yob dell gole ap mande, oun stakrell kol vavar bare rayen khetne, har te vans le čik. oun krell lentsa har ko morsh, kay pirya dran čik rhačell, oun glan kova peskre pirentsa ap ko čik stakrell.

Jesaja 46:11

Foun kotar, kay o kham pre djal, dau gole i baro čirkleste, kay mass rhal, te vell yob. Kova hi ko morsh, kay krell, hoy mange glan lom. Dran i dour them vell lo. Kova vell yaake, har penom. Hoy mange glan lom, krau ninna.

Jesaja 47:11

Kanna vell i bibarht pral toute, hoy tou nay gar krik dravereh. Ava, bibarht perell ap toute, kolatar nay nasheh gar touke. Oun yaake sik vell koy bibarht pral toute, te nay dikeh lat gar glan-vi.

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Jeremia 8:17

Me, o baro Devel penau: Me bičrau čilače sapa pash t'mende, save, kay anenn o merepen. Kolen nay rikrell kek pre. Kolla dandrenn t'men.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.