Habakuk 2:5 - O Debleskro Lab 2024 (Sinte-Manouche)

⁵ O bravlepen rhorhell o menshes. O pre-phourdo mensho ačella gar, ninna te krell lo peskro mouy dour pre, har ko moulengro them, hoy vell gar čalo, ninna te lell lo yek them pal o vavar peske dren.

O Debleskro Drom 2021 (Sinte)

⁵ O brawlepen chochell o menshes. O pre-phurdo mensho atchella gar, ninna te krell lo peskro mui dur pre, har ko mulengro them, hoi well gar tchalo, ninna te lell lo jek them pal o wawar peske dren.

Habakuk 2:5 ပူးပေါင်းရင်းမြစ်များ

2. Rajengro liil 14:10

Tou maral i Edomarya an o kourepen. Oun doleske phourdell pes tiro dji pre. Mishto touke, kanna ač khere an tiro kheer! Hoske rodeh tiri bibarht, te peress, oun o them Youda touha?”

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Gosewe laba 27:20

O moulengro them vell gar čalo. Yaake hi ninna i menshengre yaka: Yon lenn gar doha.

Sikepaskro 5:10

Kote kay boud bravlepen hi, kote hi ninna boud, kay rhan o bravlepen pre; oun koles, kay kova lauter hi, leske ačell či, har te dikell lo les an!

Jesaja 14:6

Tou dal i menshen an boud themma, oun dal oun dal oun moukal gar tele. Divyi rholyah rikral tou len tele, oun lal len palla kek lačepah.

Jesaja 16:6

Mer shounam, hoy pral i Moabarya rakedo vas, kay hi le yaake pre-phourdo, oun dikenn tele ap i vavarende, oun krenn pen kokres bares. Oun len hi i baro mouy.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 21:5

O rhapen hi ap i rhapaskri čiddo, oun i stakepangre hi ap i phoub čiddo, yon rhan oun piyenn. Koy dell yek gole: “Stenn pre, t'mer pralstoune! lenn t'mare shilte an o vast!”

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 50:29

Kharenn kolen khetne, kay hayvenn pengre bogentsa karye te dell! Yon halauter hounte čivenn pen pre troul o foro Babilon, oun moukenn kekes te nashell peske krik oun djivell! O foro Babilon phourdas pes pre oun hadas pes pral mande, o baro Debleste, kay o Israeleskro čačo Devel hi. Doleske denn o foreske o čilačepen pale pale, hoy lo kras! Yaake har yob ap i vavarende kras, yaake krenn leske ninna!

Jeremia 51:39

Len hi bari bok – oun me krau lenge i rhapen, oun krau, te piyenn le pen mates, oun lenge hi halauter sapaske. Palle sovenn le dren hako tsireske, oun stenn bouder gar pre. Kova penell o baro Devel.

Habakuk 1:15

kolen yon vin tserdenn pengre ranyentsa oun pengre mačengre gonentsa, oun khetne čivenn an pengre netse. Palle sal lengro dji, oun yon denn gole i barhtyatar.

Habakuk 1:17

Moukeh tou len pale te pale vavar themma dren te lell? Kameh tou, te marenn le kol tsele menshen koy, oun sikrenn lenge kek kamlepen?

Habakuk 2:4

Kava hi, hoy hounte činess pre: Kones i pre-phourdo oun i rhorheno dji hi, kova nashrell peskro djipen. Koon an o čačepen tardo hi, kova djivell dran peskro patsepen ap mande.

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.