Habakuk 2:19 - O Debleskro Lab 2024 (Sinte-Manouche)

¹⁹ Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.

O Debleskro Drom 2021 (Sinte)

¹⁹ Djungeles djal koleske, kai penell ap i kotar kasht: “Ste pre!”, un penell ap ko mulo bar: “Ab djido!” Har nai penell i mulo dewel tuke, hoi te kress? Ninna te hi rup un sonakai pral leste maklo, hi kek ducho an leste.

Habakuk 2:19 ပူးပေါင်းရင်းမြစ်များ

Debleskri gili 135:15

I debla i vavar menshendar hi dran roup oun sonakay, Menshenge vasta kran len.

Debleskri gili 135:17

Kanda hi len oun shounenn gar. Len hi kek dourho an lengro mouy.

Debleskri gili 97:7

Ladj ap kolende, kay krenn penge vavar debla, oun sharenn pen pengre moule deblentsa! Perenn tele ap i phoub, t'mer vavar debla, glan o baro Debleste!

Jesaja 26:14

I moule venn bouder gar djido, oun stenn bouder gar pre. Kolen, kay pral mende i raya his, dal tou lengri phagi: Yon hi bouder gar koy. Oun i menshe bistran len.

Jesaja 40:19

I figura, nay vell li har o Devel? I boudepaskro krell lat dran saster, oun i vavar čivell sonakay troul late, oun krell roupene verklia oun pandell len ap late pre.

Jesaja 41:26

Koon t'mendar penas kova glan-vi, yaake te nay djinams kava? Koon t'mendar rakras kolestar glan i tsiro, yaake te nay penams: Čačo hi! Kek t'mendar hi koy, kay kova glan-vi penas, kek, kay rakras kolestar. Kekestar shounam, kay rakras save laba.

Jesaja 44:17

Oun ko vavar kasht lell lo oun krell peske lestar i devel, te mangell lo les an, oun čivrell pes glan leste tele oun sharell les oun penell: “Le man dran o merepen vin, tou hal miro devel!”

Jesaja 46:6

Kol menshe, kay krenn pen i rhorheno devel, lenn sonakay dran lengri possita, oun čivenn roup ap i vaga, te playsrenn le koles, kay hayvell mishto te boudrell an sonakay oun roup, te krell lo kolestar i devel lenge. Glan koleste vitsrenn yon pen tele ap i phoub, oun mangenn les an.

Jesaja 57:6

Oun ap kol lače platse an i tala čorenn t'mer lenge rhapen oun pipen vin. Doleske vell ko dives, kay venn kote maredo čiddo! Patsenn čačepah, te dau yekes, kay savo koova krell, kova gar pale?

Jeremia 10:14

Glan sau baro koova hi hako mensho dineles koy tardo. Savo koova nay hayvell lo gar te krell. Kolla lauter, kay kran figure, te mangenn le len an, hounte ladjenna pen. Lengre figure hi kek čače debla, kek djipen hi an lende.

Jeremia 10:3

Lengro patsepen ap i moule deblende hi či moldo. Yon denn i rouk tele an o veesh, te krenn le i figura. Oun kova, kay hayvell o kashteha te boudrell, lell peskri čouri, oun krell dran o kasht i figura peskre vastentsa.

Jeremia 10:4

Palle čivell lo roup oun sonakay koy pre, oun čivell koy figura ap pire, dell nagle an late, te ačell li nay tardo.

Jeremia 10:9

Yon hi kerdo menshendar, kay hayvenn mishto pengre vastentsa te boudrell. Rupeno saster dran o them Tarsis oun sonakay dran o foro Oufas tserdenn le pral kol figuren, oun rivenn len an blaueto oun lolo ripya.

Jeremia 2:27

kolla, kay ap i debla penenna: “Tou hal miro dad!” oun ap i barrengre debla: “Tou anal man ap i phoub.” Mange sikran le pengro doumo oun gar pengro mouy. Te vell kanna i bibarht pral lende, denn le gole: “Ray! Ab ap mari rig!”

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

Jeremia 51:17

Glan sau baro koova hi hako mensho dineles koy tardo. Savo koova nay hayvell lo gar te krell. Kolla lauter, kay kran figure, te mangenn le len an, hounte ladjenna pen. Lengre figure hi kek čače debla, kek djipen hi an lende.

Jeremia 51:47

Dikenn, ko tsiro vella, kay krau me kol moule deblen an Babilonia paash. O them Babilonia djal tele an ladj. Oun kolla, kay van maredo, ačenn kote ap i phoub čiddo.

Daniel 3:1

O baro ray Neboukadnezar kras i sonakaskri figura, hoy shob-deesh (60) moussya bares oun shob moussya bourhles his. Oun yob čivas lat pre an o bourhlo them Doura. Ko them Doura his an o them Babilonia.

Daniel 3:18

Oun ninna te kamell lo kova gar te krell, tou djiness: Mer sharah tiro debles gar, oun mangah gar koy sonakaskri figura an, hoy tou moukal pre te čivell.”

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 3:7

Oun kol tsele menshe, kay khetne van dran hako them oun dran hako rakepen, shounan o phourdepaskro bashepen oun o bashepen ap kol doryengre bashepangre oun ko tselo vavar bashepen. Koy vitsran le pen tele ap i phoub glan koy sonakaskri figura, hoy moukas o baro ray Neboukadnezar pre te čivell.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Daniel 5:4

Koy pashel sharan le i deblen dran sonakay, roup, lolo saster, vavar saster, kasht oun bar.

Jona 1:5

Oun i bari traash vas ap kol tsele morshende, kay ap ko shiffo boudran. Oun yon dan i bari gole hakeno ap peskro debleste. Oun yon vitsran ko koova, hoy ap ko shiffo čiddo his, an o baro pani, te vell ko shiffo bouder gar yaake pharo. Oun o Yona his tele an o shiffo, his koy čiddo, oun sovas zoreles.

Bičepangre 17:29

Mer te vah o Deblestar, palle hi kova dinlepen, te patsenn t'mer, kay hatsenn o Debles an kova, hoy t'mer t'mare vastentsa kran dran sonakay, roup oun barra.

Debleskro tsiro 17:4

Oun koy djouvel his rido an i kouč lolo ripen. Oun ap late hi sonakay oun kouč barra oun mirklia. Oun lat his i sonakaskro khoro an lakro vast, pherdo djoungelo koova oun savo koova, hoy hi pale-čiddo glan o Debleste. Kava koova vas dran lakro vi-ladjedo djipen.