Habakuk 2:17 - O Debleskro Lab 2024 (Sinte-Manouche)

¹⁷ Tou dal i rouka ap i berga Libanon tele. Tou maral i firhen, kay kote djivan. Lengri daar vell kanna tiri daar. Tou maral boud menshen, kral lengro them oun lengre forya paash, oun djal zoryah ap halauterende, kay kote djivenn. Ko čilačepen, hoy kral, vell kanna pale ap tiro shero.

O Debleskro Drom 2021 (Sinte)

¹⁷ Tu dal i ruka ap i berga Libanon tele. Tu maral i viechen, kai kote djiwan. Lengri daar well kanna tiri daar. Tu maral bud menshen, kral lengro them un lengre forja paash, un djal sorjah ap halauterende, kai kote djiwenn. Ko tchilatchepen, hoi kral, well kanna pale ap tiro shero.

Habakuk 2:17 ပူးပေါင်းရင်းမြစ်များ

Debleskri gili 137:8

Tou, foro Babilon, tou, kay lauter an kotya deh! Barhteles vell kova, hoy touke pale della kova, hoy tou menge kral!

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Gosewe laba 28:17

I mensho, kay i vavares moulo das, kova ačell ap o naashepen, yaake rah har djivell lo. Kek te rikrell les pre!

Jeremia 50:14

T'mer, kay i bogentsa karye denn, čivenn t'men troul o foro Babilon pre! Lenn boud fayle oun denn pal leste karye! Kava foro kras čilačepen ap o baro Debleste.

Jeremia 50:28

I bari gole vell shounlo kolendar, kay hounte nashenn penge sik, kolendar, kay van vin dran o them Babilonia. An Yerusalem ap i berga Sion penenn le, hoy maro baro Devel ap i Babilonarya kras, te dell lo lenge pale, hoy yon leskro khereha kran.

Jeremia 51:24

Kanna dikenn t'mer, har playsrau o foreske Babilon oun i tsele menshenge, kay an o them Babilonia djivenn, lengro tselo čilačepen pale pale, hoy yon ap i berga Sion kran. Kova penell o baro Devel.

Ezekiel 28:16

Har tiro parepah bravelo val, rikral vavaren zoryah tele. Oun yaake lal doosh ap toute. Koy krom me tout pale-čiddo, oun tradom tout tele miri bergatar. Tou bolepaskro, kay yak dal, tout tradom vin dran koy platsa, kay i kouč barra hi, hoy dikenn vin har yag.

Ezekiel 31:16

Har i menshe an i vavar themma shounan, te peras ko baro rouk, oun kay vitsrom me les tele pash i moulende an o moulengro them, trissan le i daryatar. Oun i tsele rouka dran i bar Eden oun kol shoukeder oun feteder rouka i bergatar Libanon, halauter kay pash o pani tardo his, oun kanna tel i phoub hi, lenge his kova mishto, te djas ko baro roukeske yaake har lenge ninna djas.

Habakuk 1:17

Moukeh tou len pale te pale vavar themma dren te lell? Kameh tou, te marenn le kol tsele menshen koy, oun sikrenn lenge kek kamlepen?

Habakuk 2:8

Tou čoral i menshen an boud themma vin. Tou maral boud lendar, kral lengro them oun lengre forya paash, oun djal zoryah ap halauterende, kay kote djivenn. Doleske čorenn tout kanna kolla vin, kay djido ačan.

Zakarie 11:1

Tou Libanon, kre tire voudya pre, te rhačrell i yag tire cedertikre rouka.