Habakuk 2:12 - O Debleskro Lab 2024 (Sinte-Manouche)

¹² Djungeles djal touke, kay kral i foro o rateha, oun čival les pre o marepah!

O Debleskro Drom 2021 (Sinte)

¹² Djungeles djal tuke, kai kral i foro o rateha, un tchiwal les pre o marepah!

Habakuk 2:12 ပူးပေါင်းရင်းမြစ်များ

1. Rajengro liil 16:34

An o emligo tsiro čivas i morsh, kay vas dran o foro Betel, ko foro Yericho pale pre. Leskro lab his Hiel. Har i telstoune barra čiddo van, meras peskro phoureder čavo, o Abiram. Oun har o foreskre voudya dren kerdo van, meras leskro terneder čavo, o Segoub. Yaake van kol laba čačo, hoy čivas glan boud bersha o baro Devel o morsheske Yosua, an o mouy, koleskro dad o Noun his.

Ezekiel 24:9

Kava hi, hoy o baro Devel, maro ray, penell: Djungeles djal touke, tou foro, kay lal rateskri doosh ap toute! Ninna me čivau boud kasht khetne i yagake.

Micha 3:10

T'mer krenn o Debleskro foro Yerusalem shoukar oun baro kol loventsa, hoy anan khetne marepah oun rhorhepah.

Nahum 3:1

Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

2. Korintarja 1:21

O Devel krell men, ninna t'men lauteren, zoreles an o patsepen ap o Yezous Kristeste. Yob rodas men peske vin,

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.