Habakuk 2:1 - O Debleskro Lab 2024 (Sinte-Manouche)

¹ Kate hom tardo ap miro turmo, oun dau garda, te dikap, hoy yob mantsa rakrell, oun have laba yob mange pale penell, ap kova, hoy me leske halauter glan rikrom.

O Debleskro Drom 2021 (Sinte)

¹ Kate hom tardo ap miro turmo, un dau garda, te dikap, hoi job mantsa rakrell, un hawe laba job mange pale penell, ap kowa, hoi me leske halauter glan rikrom.

Habakuk 2:1 ပူးပေါင်းရင်းမြစ်များ

2. Samuel 18:24

O David his mashkral kol douy bare voudya beshdo. Oun ko morsh, kay das garda, djas pral ap ko baro voudar an o foreskri massouri, dikas pes trouyel, oun dikas koy i morshes, kay nashell kokres.

2. Rajengro liil 17:9

Oun i Israelitarya kran kova khatedes, hoy gar čačo his glan o baro Debleskre yaka, kay lengro Devel hi. Oun yon kran penge moulne platse an hake gaba oun forya, tikne oun save bare, kay zorele massurya troul lende hi.

2. Rajengro liil 9:17

Pral ap ko turmo an Yesreel his yek tardo, kay dell yak. Kova dikas kol kourepangre vourdya, kolentsa o Yehou vas, oun penas: “Me dikau lourden.” Koy penas o Yoram: “Biče i klissepaskres pash lende, te poučell yob: Avenn t'mer an o lačepen?”

Hiob 31:35

Ah, te vals yek koy, kay ap mande shounell! Hoy penom, tel kova nay činau miro lab. O zorelo Devel te rakrell pale! Kay hi ko liil, an koleste kova miri doosh pre-činas, kay penell, te lom doosh ap mande?

Hiob 31:37

Me penaus leske hako koova, hoy krom an miro djipen, oun har i ray vaus me glan leste.

Debleskri gili 5:3

De yak ap miri gole! Tou hal miro baro ray oun miro Devel, koles me mangau.

Debleskri gili 85:8

Baro Devel, ab menge lačes, oun kre lauter menge pale mishto!

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Jesaja 21:5

O rhapen hi ap i rhapaskri čiddo, oun i stakepangre hi ap i phoub čiddo, yon rhan oun piyenn. Koy dell yek gole: “Stenn pre, t'mer pralstoune! lenn t'mare shilte an o vast!”

Jesaja 21:6

O baro Devel, maro ray, penas mange: Dja koy oun čip i morshes tardo, te dell lo yak. Oun kova hoy lo dikell, hounte penell lo touke!

Jesaja 21:8

Koy das ko morsh gole, kay yak dell: Ray, me hom ap miri platsa tardo o tselo dives, oun dau yak haki rati.

Jesaja 62:6

Yerusalem, me čivom morshen ap tire massourya, te denn le yak ap toute. O tselo dives oun i tseli rat denn le bares gole, oun moukenn gar tele, te bistrell tout o baro Devel gar.

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 6:17

Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Ezekiel 3:17

Tou, mensho, vess kova, kay dikell i bibarht te vell oun penell kova i Israelenge doureder, yaake har yek ap i foro yak dell, oun i menshenge penell, te venn lourde. Te penau me touke i lab, hounte peness kova lenge, te djinenn le, hoy kamau ap lende te anell.

Ezekiel 33:7

Tou, mensho, tout rodom vin, te dess yak ap o kheer Israel. Te shouneh i lab dran miro mouy, hounte peness kova lenge, te djinenn le, hoy kamau me pral lende te anell.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

2. Korintarja 13:3

Palle dikenn t'mer mishto, te vas miro rakepen o Yezous Kristestar. Yob hi zorelo pash t'mende, oun sikrell t'men peskri bari zoor.