Habakuk 1:9 - O Debleskro Lab 2024 (Sinte-Manouche)

⁹ Yon venna halauter, te kourenn le pen bari oun čilači zoryah. Kek lendar dikell pale. Yon lenn yaake boud pandle, te nay penell kek, kitse yon hi.

O Debleskro Drom 2021 (Sinte)

⁹ Jon wenna halauter, te kurenn le pen bari un tchilatchi sorjah. Kek lendar dikell pale. Jon lenn jaake bud pandle, te nai penell kek, kitse jon hi.

Habakuk 1:9 ပူးပေါင်းရင်းမြစ်များ

1. Mose 41:49

Oun o Yosef čivas boud djob khetne, yaake boud har i tikne barra pash o baro pani. Oun yon moukan tele, te činell an i liil, har boud kova his.

2. Rajengro liil 12:17

Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

Hiob 29:18

An ko tsiro patsom, te vau i phouro morsh, oun merau an o lačo phourepen mank mire čavende.

Debleskri gili 139:18

Te kamoms les tele te ginell, vals kova boudeder har i santa pash o baro pani. Te stau pre o vavar dives, hom gomme pash toute.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jeremia 15:8

Koy hi boudeder djouvya, kolengre romma meran, har barra pash o baro pani. I daya shounan, kay meran lengre čave mashkral o dives. Koy vas i bari traash oun daar pral lende.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 34:22

Ava, me kharau len pale kay, oun anau len pale glan kava foro, penell o baro Devel. Yon venn troul kava foro tardo, oun lenn kava fores penge dren, oun rhačrenn les tele. Oun kol forya an o them Youda moukau yaake khetne te dell, te venn le har i moulo them, kay nay djivell bouder kek dren.

Jeremia 4:11

An ko tsiro vell kol menshenge an Yerusalem penlo: I zorelo tatepen vell dran kol berge dran o moulo tato them pash t'mende. Kova hi kek phourdepen, hoy phourdell o phouss oun o čik krik,

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Ezekiel 17:10

Yaake vell o bour gar baro, ninna te vas lo an i phoub čiddo. Te vell o zorelo tato dourho foun kotar, kay o kham pre djal, oun phourdell ap leste, merell lo tele, ap koy platsa, kay vas yob an i phoub čiddo.

Ezekiel 19:12

Koy vas i rhoyedo vast, oun tserdas les vin dran i phoub, oun vitsras les tele. Oun i tato dourho, hoy vas foun kotar, kay o kham pre djal, moukas leskre drake trouk te vell. Leskre zorele kashta van tele phagedo, te meran le tele oun van an i yag rhačedo.

Daniel 11:17

Oun yob kamell ninna o tselo them Egiptia an peskro vast te lell. Doleske rakrell lo pes o baro rayeha pral o them Egiptia tele, oun dell les peskri ča, te vell li leskri romni. Kova krell lo, te anell lo nay koleskro them an i bibarht. Kova djal leske gar, oun vell gar yaake har yob kamell.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Habakuk 1:17

Moukeh tou len pale te pale vavar themma dren te lell? Kameh tou, te marenn le kol tsele menshen koy, oun sikrenn lenge kek kamlepen?

Habakuk 1:6

Me krau te venn i Babilonarya zoreles, kol čilače oun sik kourepangre. Pral i tseli phoub venn le, de lenn le penge vavar themma dren hoy gar lengro his.

Remarja 9:27

Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.

Čačepangre 7:12

Oun i Midianarya oun i Amalekarya oun lauter, kay van kotar, kay o kham pre djal, his kote čiddo an o telstouno them oun čakran o them har i stepangre. Yaake boud his le. Oun lengre khamele his yaake boud, te djinas kek, har boud yon hi. Kolla his yaake boud har i santa pash o baro pani.