Habakuk 1:5 - O Debleskro Lab 2024 (Sinte-Manouche)

⁵ [O Devel penell:] Dikenn t'men trouyel pash i menshende an vavar themma! T'mer krenn bare yaka, hoy dikenna! Me krau čomone an t'mare tsirya, hoy t'mer gar patsenna, te vals t'menge kova penlo.

O Debleskro Drom 2021 (Sinte)

⁵ [O Dewel penell:] Dikenn tumen trujel pash i menshende an wawar themma! Tumer krenn bare jaka, hoi dikenna! Me krau tchomone an tumare tsirja, hoi tumer gar patsenna, te wals tumenge kowa penlo.

Habakuk 1:5 ပူးပေါင်းရင်းမြစ်များ

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

Jesaja 29:9

Krenn doureder, har te vans dinelo an o shero! Krenn doureder, har te vans korelo ap i douy yaka! T'mer han mato – oun piyan kek mool. T'mer perenn yek rigyatar ap i vavar – oun piyan kek zorelo pipen.

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Ropaskre gilja 4:12

Kanna vas, hoy i bare raya pral i themma gar patsans, vitar gar i tsele menshe ap kay phoub: Lourde dran vavar themma, kay kaman maro them dren te lell, djan an i voudya o forestar Yerusalem dren.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

Habakuk 3:2

Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

Zefanja 1:2

Me moukau halauter, hoy ap i phoub djido hi, te merell:

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.