Gosewe laba 4:17 - O Debleskro Lab 2024 (Sinte-Manouche)

¹⁷ Lengro čilačo koova hi lengro rhapen, hoy krell len čalo. Yon djan i zoryah ap i vavarende pre. Oun kova hi lenge shoukar har te piyenn le mool.

O Debleskro Drom 2021 (Sinte)

¹⁷ Lengro tchilatcho koowa hi lengro chapen, hoi krell len tchalo. Jon djan i sorjah ap i wawarende pre. Un kowa hi lenge shukar har te pijenn le mool.

Gosewe laba 4:17 ပူးပေါင်းရင်းမြစ်များ

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Gosewe laba 13:2

I lačo mensho djivell ko lačepastar, hoy dran leskre laba vella. I phoukepangre bokenna pal o kourepen.

Gosewe laba 20:17

Čoredo maro hi goudlo. Pal i tsiro hi kova har tikne barra an o mouy.

Gosewe laba 9:17

“Čoredo pani hi goudlo! Oun maro, hoy rhah khatedo, hi o lačeder!”

Jesaja 5:18

Djungelo djal i čilačenge, kay kamenn o rhorhepen. Yaake har i gray o vourdin tserdell, yaake tserdenn yon lengri doosh pal pende,

Jesaja 5:20

Djungelo djal kolenge, kay penenn ap o čilačepen kova hi lačo, oun ap o lačepen kova hi čilačo. I rati kharenn le dives, oun o dives kharenn le rati. Shoutlo koova hi lenge goudlo, oun goudlo koova hi lenge shoutlo.

Jeremia 9:4

Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

Micha 6:12

I bravele an o foro lenn i čorvelen vin, oun rikrenn len tele. Oun t'mer halauter an o foro han rhorhene oun rakrenn rhorhepen.

Micha 7:3

Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.