Gosewe laba 4:13 - O Debleskro Lab 2024 (Sinte-Manouche)

¹³ Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

O Debleskro Drom 2021 (Sinte)

¹³ Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Gosewe laba 4:13 ပူးပေါင်းရင်းမြစ်များ

1. Mose 32:26

Har ko morsh dikas, kay nashte vitsrell lo gar o Yakobes ap i phoub an kava kourepen, das lo les ap o kokalo ap leskri rig. Oun ko kokalo djas vin kote, kay lo dren his.

Gosewe laba 10:17

Kova, kay shounell ap koleste, kay dell les trad, kova djal ap o drom, hoy anell o djipen. Kova, kay kamell gar te shounell, hi ap i drom, kay djal lo nashedo.

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Gosewe laba 3:18

Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Gosewe laba 3:22

Kova dell tiro djipen zoor oun krell les shoukar har i verkli troul tiri meen.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Gosewe laba 8:35

Ko mensho, kay man hatsas, kova hatsas o djipen, oun o baro Devel dikell lačes ap leste.

Sikepaskro 7:12

O gosvepen hi har love. Kones kolestar doha hi, kova hounte darell gar. Leskro gosvepen rikrell o goseves an o djipen.

Kamlepaskri gili 3:4

Har me lendar i tikno kotar doureder djom, hatsom les, koles miro dji kamell. Me taprom leskro vast, oun moukom les bouder gar mandar te djal, lom les khere pash mande, an miri dakri isema, kay boldo vom.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

5. Mose 32:47

Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.

1. Tessalonikarja 5:21

Denn yak, te vell ko lab, hoy yob penas, čačepah o Deblestar! Oun rikrenn kova, hoy mishto hi!

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.