Gosewe laba 4:10 - O Debleskro Lab 2024 (Sinte-Manouche)

¹⁰ Shoun miro čavo, oun de yak ap miro rakepen, yaake te djivess i lengsto djipen.

O Debleskro Drom 2021 (Sinte)

¹⁰ Shun miro tchawo, un de jak ap miro rakepen, jaake te djiwess i lengsto djipen.

Gosewe laba 4:10 ပူးပေါင်းရင်းမြစ်များ

Hiob 22:22

Mouk touke dran leskro mouy čomone te penell, oun rike leskre laba an tiro dji!

Gosewe laba 19:20

Shoun ap kova, hoy yek ap toute penell, oun mouk touke čomone te penell, te vess pal kova gosevo.

Gosewe laba 2:1

Miro čavo, shoun ap mire laba, oun rike tout ap kova, hoy me touke penom,

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

Gosewe laba 3:2

Yaake vell tout i lengsto djipen, oun tire djipaskre bersha venn pherdo lačepen.

Gosewe laba 8:10

Moukenn t'men mandar te penell, har te djivenn! Kova hi t'menge feteder har te nashenn o roup palla! Rodenn, har te djinenn boudeder. Kova hi t'menge feteder har kouč sonakay.

Jeremia 9:20

An mare khera vas o merepen, an i vorhya djas lo dren. I čave ap i dromma meran, oun i terne morsha hi moulo čiddo ap i platse.

5. Mose 11:21

Palle ačenn t'mer an kava them, kolestar t'maro baro Devel glan t'mare phourende pes sovel das, te dell lo les t'mende, oun djivenn kote yaake rah har o bolepen pral i phoub hi.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

1. Timoteo 1:15

Hi čačo, hoy kanna penau. Oun t'mer nay patsenn man: Maro ray, o Yezous Kristo, vas ap kay phoub, te anell lo kolen ap o drom pash o Debleste, kay dour lestar an o čilačepen djivenna. Kolendar hom me o djoungleder.