Gosewe laba 31:26 - O Debleskro Lab 2024 (Sinte-Manouche)

²⁶ Lakro rakepen hi pherdo gosvepen, oun lače labentsa sikrell li, har čomone djal.

O Debleskro Drom 2021 (Sinte)

²⁶ Lakro rakepen hi pherdo goswepen, un latche labentsa sikrell li, har tchomone djal.

Gosewe laba 31:26 ပူးပေါင်းရင်းမြစ်များ

Ester 4:4

Oun i djouvya, kay i Esterake boudrenn oun kol pralstoune, kay lake koy hi, van pash late oun penan lake kava koova. Oun kote tapras i rani bari daar. Oun yoy bičras ripya pash o Mordekay, te rivell lo len an, oun te čivell lo o gono pestar tele. Oun yob kamas gar.

Ester 5:8

Te hal mange lačes, oun te hi mishto an tire yaka, miro ray, mange kova te dell, hoy me toutar mangau, palle ab tou oun o Haman pash o rhapen, hoy me t'menge taysar krau. Oun taysar penau touke, hoy kamau toutar.”

Gosewe laba 10:31

Dran o mouy kolestar, kay an o čačepen tardo hi, venn goseve laba. I rhorheni čip vell tele činlo.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 16:24

Kamle laba hi har gvin, rakrenn kamles an o dji oun denn nevi zoor.

Gosewe laba 19:14

I kheer oun love lell o čavo peskro dadestar pal koleskro merepen. I romni, kay an peskro dji dikell, glan te rakrell li, vell o baro Deblestar.

Gosewe laba 25:15

Boud lače labentsa nay tserdeh pralstunen ap tiri rig. Oun i kamlo rakepen phagella kokale khetne.

Gosewe laba 31:27

Yoy dikell pal lauter, hoy an o kheer kerdo vell. Oun ko mareske, hoy li rhal, boudras li.

Kamlepaskri gili 2:14

Miri tauba, ma khate tout glan mande, har i čirklo khatrell pes mank i bare barra, an o khatepen ap i berge! Mouk man tout te dikell, mouk man tout te shounell! Goudlo hi tiro rakepen, oun kamles dikeh tou vin.

Kamlepaskri gili 4:11

Miri pirni, tire čoumma hi har gvin, goudlo har gvin oun thoud. Oun tire koola, hoy ap toute hi, soungenna lačes har o Libanon soungella.

Maleachi 2:6

Yon anan i menshenge kova pashel, hoy čačo hi. Oun kek čilačo lab his an lengre mouya. Yon djivan glan mande an o lačepen oun an o čačepen, oun rikran boud menshen o čilačepastar pale.

Louka 1:38

Koy penas i Maria: “Me kamau o Debleske koy te vell. Lauter te vell yaake, har tou penal.” Koy djas yob peske.

Bičepangre 18:26

O Apollo djas an i biboldengri kangri, oun les his kek traash, te penell lo kote i biboldenge o Yezousestar. Har o Akvila oun i Priska les shounan, lan le les pash pende khere, oun sikran leste o Debleskro drom feteder oun boudeder.

Bičepangre 6:15

Oun kol tsele pralstoune dikan ap o Stefaneste, har leskro mouy vas yaake har i Debleskro bolepaskro.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Petro 3:1

T'mer djouvya, ma hadenn t'men pral t'mare romende, ninna te shounenn yon gar ap o Debleskro lab! Yaake dikenn yon, har t'mer i djoudjo djipen djivenna, oun ap o Debleste shounenna. Oun t'maro djipen sikrell len o čačo drom pash o Debleste, ninna te krenn t'mer kek bare laba.

Čačepangre 13:23

“Na-a”, penas leskri romni, “te kamals o baro Devel men te marell, palle lals lo gar ko firhes oun ko maro dran maro vast, hoy leske dam oun leske rhačram. Oun yob sikrals men gar kava lauter, hoy dikam, oun penals menge gar kanna savo koova.”