Gosewe laba 31:17 - O Debleskro Lab 2024 (Sinte-Manouche)

¹⁷ Yoy boudrell phares oun krell peskre moussya zoreles.

O Debleskro Drom 2021 (Sinte)

¹⁷ Joi budrell phares un krell peskre mussja soreles.

Gosewe laba 31:17 ပူးပေါင်းရင်းမြစ်များ

1. Mose 49:24

his leskro bogo zoreles an leskro vast, oun leskre moussya his zoreles kerdo, o Yakobeskro zorelo Devel das les zoor. Yob dell garda ap o Israel har i bakrengro ap peskre bakre, oun dell len gar pre.

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

2. Rajengro liil 4:29

O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

Hiob 38:3

Kanna ste pre har i morsh! Oun me poučau toutar. Oun tou peneh mange, hoy kamau te djinell.

Gosewe laba 31:16

Yoy rodell i harhetikri phoub oun ginell lat, oun kol loventsa, hoy lakre vasta dren anan, čivell li terne drakengre rouka an i phoub.

Gosewe laba 31:18

Yoy hayvell, te anell lakri boudi čomone dren. Ninna rati djal pash late i momeli gar vin.

Jesaja 44:12

Ko boudepaskro, kay boudrell o sasteha, čivell o saster an i yag oun krell i čouri dran leste, oun peskri zoreli moussyah dell lo koy pre. Palle lell lo bok oun nay boudrell gar doureder, oun yob lell troush oun leskri zoor djal peske.

Hosea 7:15

Me homs lengro sikepaskro oun krom len zoreles. Oun len hi čilačepen an o dji, hoy kamenn le mange te krell.

Louka 12:35

“Avenn hako tsiro mange koy! Oun moukenn gar t'mari momeli vin te djal!

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.