Gosewe laba 30:14 - O Debleskro Lab 2024 (Sinte-Manouche)

¹⁴ Hi menshe koy, kolengre danda doukrenn har rhare oun činenn har čourya. Oun yon rhan i čorvelen an o them, oun kolen, kay lenge kek ap i rig vell.

O Debleskro Drom 2021 (Sinte)

¹⁴ Hi menshe koi, kolengre danda dukrenn har chare un tchinenn har tchurja. Un jon chan i tchorwelen an o them, un kolen, kai lenge kek ap i rig well.

Gosewe laba 30:14 ပူးပေါင်းရင်းမြစ်များ

Hiob 29:17

I čilačeske dom i danda paash, oun tserdom koles dran leskro mouy, hoy kamas lo te rhal.

Hiob 41:14

Leskri meen hi zorelo. Kay lo ninna djal, taprell i menshen i daar.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 124:6

Sharedo vell o baro Devel! Yob moukas men gar mank lengre danda.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 3:7

Me darau gar deesh-zerya lourdendar, kay djan ap mande hake rigyendar.

Debleskri gili 52:2

har o Doeg, ko morsh dran o them Edom, pash o Saul vas, oun leske penas: “O David hi pash o Ahimelek.”

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Debleskri gili 57:5

Me hom čiddo mank menshe, kay hi har leve, kay kamenn man pre te rhal. Lengre danda hi har čourya oun fayle, oun lengri čip dell čourye har i rharo.

Debleskri gili 58:6

Yon pandenn pengre kanda har i sap, kay kamell gar te shounell, hoy o dourkepaskro ap leste rakrell, ninna te hayvell lo mishto i sapentsa te rakrell.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Gosewe laba 28:3

I čorvelo morsh, kay vas baro oun rikrell i čorvelen tele, hi har depen, hoy lauter krik thovell oun o djob paash krell.

Gosewe laba 30:15

Hi menshe koy, kay hi har ko kirmo, hoy o rat piyell. Koles hi douy ča. Kolla kharenna: “De kay! De kay!” Triin hi koy, kay gar čalo venn, oun star penenn an kek tsiro: “Kanna hi man doha”:

Sikepaskro 4:1

Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Jesaja 3:14

Ap i phourende oun rayende pral peskre menshende penell yob: T'mer rhan i tsele drake, hoy ap miro drakengro them bares van, An t'mare khera hi kova, hoy t'mer i čorvelenge randan!

Jesaja 3:15

Hoske stakran t'mer mire menshen tel t'mare herya? Oun hoske dan o čorveles an o mouy? Me, o baro Devel, ko ray pral o bolepen oun i phoub, poučau kova t'mendar.

Jesaja 32:7

O rhorheno djal rhorhene dromma. Čilačo koova lell lo peske glan, oun leskro rhorhepah anell lo doosh ap i čorvelende, ninna te hi kolla an o čačepen.

Ezekiel 22:6

I pralstoune pral Israel, kay djivenn an t'maro foro, krenn har te vals len yaake boud penepaske, te nay marenn le menshen.

Ezekiel 34:3

O thulepen kol bakrendar rhan t'mer, lengre ballendar krenn t'maro an-ripen. Oun i thoulle bakre marenn t'mer. Ap i bakre denn t'mer gar yak.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Amos 8:4

Shounenn kova, t'mer parepangre, kay rikrenn i čorvelen tele, te ačell len bouder či djipaske!

Habakuk 3:14

Tou dal leskre fayle an leskro shero. Leskre tsele lourde nashan penge kate te kote. An pengro pre-phourdepen kaman le men krik te tradell. Kolen kay kek zoor hi, kaman le pre te rhal an pengro khatepen.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Debleskro tsiro 9:8

Oun lengre balla his har djouvyengre balla. Oun len his danda har i bari divyi margodja.