Gosewe laba 3:5 - O Debleskro Lab 2024 (Sinte-Manouche)

⁵ Čip tiro tselo dji ap o baro Debleste! Ma pats, kay djineh kokres, hoy mishto oun čačo hi!

O Debleskro Drom 2021 (Sinte)

⁵ Tchip tiro tselo dji ap o baro Debleste! Ma pats, kai djineh kokres, hoi mishto un tchatcho hi!

Gosewe laba 3:5 ပူးပေါင်းရင်းမြစ်များ

Esra 8:23

Doleske rham či oun mangam halauter maro Deblestar, oun yob shounas ap maro mangepen.

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 37:5

De tiro djipen an o vast o baro Deblestar, oun pats ap leste! Palle krell yob lauter mishto.

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Gosewe laba 22:19

Kamoms, te dikess oun rikress ap o baro Debleste. Doleske penau me touke kova kava dives.

Gosewe laba 23:4

Ab yaake gosevo, te maress tout gar tele, bravelo te vell.

Gosewe laba 28:26

Dinelo hi kova, kay krell kokres, hoy peskro dji leske penell. Koon djivell gosvepah, vell dran i bibarht vin lino.

Gosewe laba 3:7

Ma ab gosevo an tire yaka! Mouk o baro Devel tiro ray te vell, oun rike tout krik i čilače dromma!

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jeremia 10:23

Baro Devel, me djinau, kova, hoy pral i mensheste vella, hi gar an ko mensheskro vast čiddo. Kova hi gar yob, kay krell peskro djipah, hoy yob kamella.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

4. Mose 9:20

Oun te ačas koy folka i tikno tsiro oun gar boud divessa pral o kheer tardo, ačan le i tikno tsiro koy, oun palle djan le doureder, hako kopo yaake har o baro Devel penas.

4. Mose 9:22

Te ačas koy folka douy divessa, yek čon, ninna boudeder tsiro pral o kheer tardo, yaake ačan i Israelitarya, oun djan gar doureder. Oun te hadas pes koy folka, djan yon doureder.

Remarja 12:16

Avenn t'men yek dji oun yek djipen! Ma krenn t'men bares! Avenn i mala kolendar, ap kolende i vavar tele dikenna! Ma penenn, te han kokres gosevo!

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rayeste, kolestar o Devel penas, te vell yob. Oun kanna hi lo kay.