Gosewe laba 29:23 - O Debleskro Lab 2024 (Sinte-Manouche)

²³ O pre-phourdepen i menshestar krell, te perell lo. Kova, kay hadell pes gar, vell an-diklo.

O Debleskro Drom 2021 (Sinte)

²³ O pre-phurdepen i menshestar krell, te perell lo. Kowa, kai hadell pes gar, well an-diklo.

Gosewe laba 29:23 ပူးပေါင်းရင်းမြစ်များ

Hiob 22:29

Ap kolende, kay hounte djan i telstouno drom, peneh tou: Stenn pre! Oun o Devel hadell koles pale pre, kay hidjrell peskre yaka gar pre.

Hiob 40:12

Ava, dik ap kol pre-phourde, oun kre len tiknes! Oun stake i čilačen ap yek kopo khetne!

Gosewe laba 11:2

I pre-phourdo dji vell sik an i ladj. I dji, hoy hadell pes gar, hi gosevo.

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 16:19

Hi feteder te veh gar an-diklo oun djiveh i čorvelentsa, har te vess yek kolendar, kolen i baro mouy hi, oun djiveh foun lengro čoredo koova.

Gosewe laba 17:19

Kova, kay čingepen kamell, kova kamell ninna o čilačepen. Kova kay hadell pes kokres pral, nay perell sik.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Gosewe laba 22:4

Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Obadja 1:3

Tiro zorelo foro hi tardo ap i bare barra, tou djiveh pral an i berge. Doleske phourdal tou tout pre. Dik, tiro dji rhorhras tout, har lo touke dren rakras: Kek nay vitsrell tout tele ap i phoub.

Mateo 18:4

Koon krell pes gar bares oun vell har kava čavo, kova hi o bareder mank kolende, kay djan ap o Debleskro drom.

Mateo 23:12

Kova, kay krell pes baro, koles krell o Devel tikneder har i vavar. Kova, kay krell pes tikno, koles krell o Devel baro.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.