Gosewe laba 24:7 - O Debleskro Lab 2024 (Sinte-Manouche)

⁷ I dinelo hayvell gar goseve laba. Kote, kay i čačepangre khetne venna, nay krell lo peskro mouy gar pre.

O Debleskro Drom 2021 (Sinte)

⁷ I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

Gosewe laba 24:7 ပူးပေါင်းရင်းမြစ်များ

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

Hiob 5:4

Leskre čaven his kek barht an pengro djipen. Har anas yek čomone ap lende pre, his kek koy, kay vas ap lengri rig, oun las lengro koova an o vast.

Debleskri gili 10:5

Lauter djal leske, har yob kamella. Te deh tou leste i phagi, patsell lo kova gar, yaake dour hal tou lestar krik. Yob čoungrell ap lauterende, kay leske an o drom tardo hi.

Debleskri gili 127:5

Barhtelo hi kova, koles boud kolendar pash peste hi. Te vell i doosh ap leste anlo, venn le leske ap i rig, te lell lo peskro čačepen.

Gosewe laba 14:6

I pre-phourdo, te rodell lo o gosvepen, hatsell lo les gar. Kova, kay peskro djiyeha rakrell, koleske hi gar phares čomone dren te dikell.

Gosewe laba 15:24

Kova, kay hayvell, hoy mishto oun gar mishto hi, koleske djal peskro drom pre an o djipen. Oun yob rikrell pes pale o dromestar, kay djal tele pash i moulende.

Gosewe laba 17:16

Hoske hounte dals i dinelo love vin, te nay djal lo an i sikepaskri? Leske djal či an leskro shero.

Gosewe laba 17:24

Kova, kay hayvell, hoy mishto oun gar mishto hi, moukell pes gar tele te rikrell, te lell lo gomme boudeder gosvepen. I dinelo dikell kate te kote.

Gosewe laba 17:7

Kova djal gar, te krenn i narvele bare oun shoukar laba. Vitar gar djal, te rakrell i an-diklo morsh rhorhepen.

Gosewe laba 22:22

Ma rande o čorveles vin, doleske kay lo čorvelo hi! Te hal leha glan i čačepangre, ma le leskro čačepen krik.

Gosewe laba 28:5

Čilače menshe hayvenn gar, hoy o čačepen hi. Kolla, kay o baro Debles rodenn, kolla hayvenn lauter mishto.

Gosewe laba 31:23

Lakro rom hi an-diklo an o foro, te rakrell lo pes tele i phourentsa.

Jesaja 29:21

kolla, kay rhorhepah doosh ap i vavarende anan, oun rhorhenn i čačepangre morshen, oun anenn len pengre rhorhene labentsa yaake dour, te denn le kek čačepen koleste, kay kek doosh ap leste hi.

Jesaja 32:6

Ko dinelo mensho rakrell dinlepen. Oun an leskro dji hi djounglepen. Yob rakrell douy čipyentsa, oun kova, hoy lo pral o baro Debleste penell, hi gar čačo. Kolen, kay bokenna, dell lo či te rhal, oun kolen, kay troush hi, moukell lo gar te piyell.

Amos 5:10

Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.

Amos 5:12

Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.