Gosewe laba 24:30 - O Debleskro Lab 2024 (Sinte-Manouche)

³⁰ Me djom glan vergel ko kotar phoub savestar, kay kamell gar te boudrell, oun dikom i drakengro them yekestar, koles či an o shero hi.

O Debleskro Drom 2021 (Sinte)

³⁰ Me djom glan wergel ko kotar phub sawestar, kai kamell gar te budrell, un dikom i drakengro them jekestar, koles tchi an o shero hi.

Gosewe laba 24:30 ပူးပေါင်းရင်းမြစ်များ

Hiob 15:17

Me kamau touha te rakrell. Shoun ap kova, hoy me penau! Kova, hoy me dikom, kamau te penell:

Hiob 4:8

Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

Hiob 5:27

Dik, kava lauter hatsam mer vin. Yaake hi kova. Oun tou, shoun koy pre, oun de yak koy pre!

Debleskri gili 107:42

Kova dikenn kolla, kay o čačo drom djan, oun hi barhteles, oun i čilačenge vell o mouy pandlo.

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Gosewe laba 10:13

Kova, kay hayvell, hoy mishto oun gar mishto hi, rakrell goseve laba. Koles, kay či an o shero hi, kova lell dava.

Gosewe laba 12:11

Koon ap peskro kotar phoub boudrell, koleske vell boud maro. Koon savo koova pal nashell, hoy či moldo hi, kova hi narvelo.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Sikepaskro 10:18

Te kamell yek gar te boudrell, perell leskro kheer khetne, oun o brishin vell dren.

Sikepaskro 7:15

Me dikom boud koova an miro djipen, hoy hayvom me gar: Koy hi i lačo morsh, kay djivas i čačo djipen, oun yob merella glan te vas lo phouro. Oun koy hi i rhorheno morsh, ko djivell an o čilačepen, oun yob djivell i rah djipen.