Gosewe laba 21:8 - O Debleskro Lab 2024 (Sinte-Manouche)

⁸ Kova, kay doosh ap peste anas, djal bange dromma. Koles, kay i djoudjo dji hi, krell o čačepen.

O Debleskro Drom 2021 (Sinte)

⁸ Kowa, kai doosh ap peste anas, djal bange dromma. Koles, kai i djudjo dji hi, krell o tchatchepen.

Gosewe laba 21:8 ပူးပေါင်းရင်းမြစ်များ

Gosewe laba 15:26

O baro Devel dikell rhoyedes ap ko midjak koova, hoy lell pes i čilačo glan. Lačes dikell lo ap koleste, kay rakrell lače laba.

Gosewe laba 2:15

Lengre dromma hi bango, o čačo dromestar djan le tele.

Gosewe laba 21:9

Hi feteder te djivell yek vin ap i dacha, har dren an o kheer khetne i romyah, kay o tselo tsiro čingepen rodell.

Gosewe laba 30:12

Hi menshe koy, kay an pengre yaka djoudjo hi, oun lengro djoungelo koova vas gar tele thodo.

Sikepaskro 7:29

Dik, kova kokres hatsom: O Devel kras o menshes yaake, te djivell lo an o čačepen; i menshe rodenn penge boud dromma, kay nay krenn le čilačepen.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Jesaja 26:7

Tou kreh kolenge, kay o čačepen krenn, o drom, oun leh krik, hoy lenge an o drom čiddo hi.

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Mateo 12:33

Te hi t'men i lačo phabyengro rouk, hi t'men ninna lače phabya. Te hi t'men i phabyengro rouk, kay gar lačo hi, hi t'men ninna phabya, kay gar lačo hi. Ap kova, hoy o roukestar vella, dikenn t'mer, har ko rouk hi.

Mateo 5:8

Barhtele hi kolla, kay hi len i djoudjo dji. Yon dikenn o Debles pengre yakentsa.

Bičepangre 15:9

Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

Tito 1:15

Kolla, kay o Yezous lengri doosh lendar las, kolla hi djoudjo oun erligo glan o Debleste. Kolenge dell či, hoy hi pale-čiddo. Kolla, kay gar ap leste patsenn, kolla hi pale-čiddo glan o Debleste. Kolenge hi lauter pale-čiddo. Lengro dji hi čilačo, oun yon hayvenn bouder gar, hoy mishto oun čačo hi.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Tito 3:5

oun anas men pash peste. Hams gar moldo, te kras yob kova. Ninna te kram gar lačo oun čačo koova, his o Debles i baro dji menge. Doleske thovas lo mari doosh mendar tele, oun mer vam leskre čave. Kava nevo djipen das men o Debleskro Dourho.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.