Gosewe laba 20:19 - O Debleskro Lab 2024 (Sinte-Manouche)

¹⁹ Kova, kay djal trouyel oun rakrell djoungelo koova pral vavarende, phoukrell ninna vin, hoy i vavar leske čorrhanes penan. Doleske rike tout pale kolestar, kay nay rikrell gar peskro mouy.

O Debleskro Drom 2021 (Sinte)

¹⁹ Kowa, kai djal trujel un rakrell djungelo koowa pral wawarende, phukrell ninna win, hoi i wawar leske tchorchanes penan. Doleske rike tut pale kolestar, kai nai rikrell gar peskro mui.

Gosewe laba 20:19 ပူးပေါင်းရင်းမြစ်များ

Debleskri gili 101:5

Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell.

Gosewe laba 11:13

Kova, kay djoungelo koova pral i vavarende rakrell, phoukrell, hoy lo čorrhanes shounas. I morsh o labestar rikrell kova peske.

Gosewe laba 13:3

Kova kay ap peskro rakepen yak dell, kova dell yak ap peskro djipen. Koles i baro mouy hi, kova tserdell bibarht ap peste.

Gosewe laba 16:29

I čilačo marepaskro anell peskro rakepah peskro males ap i drom, hoy gar mishto hi.

Gosewe laba 18:8

Te shounah djoungelo rakepen pral i vavarende, hi kova menge har shoukar rhapen, oun djal menge tele har djet.

Gosewe laba 24:21

Miro čavo, djib glan o baro Debleskre yaka oun kre, hoy o baro ray toutar kamella! Ma dja kolentsa, kay vavaren ap lende pre anenn!

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.