Gosewe laba 2:8 - O Debleskro Lab 2024 (Sinte-Manouche)

⁸ Yob vell ap i rig kolenge, kay krenn o čačepen, oun rikrell peskre vasta pral kolende, kay djan ap leskro drom.

O Debleskro Drom 2021 (Sinte)

⁸ Job well ap i rig kolenge, kai krenn o tchatchepen, un rikrell peskre wasta pral kolende, kai djan ap leskro drom.

Gosewe laba 2:8 ပူးပေါင်းရင်းမြစ်များ

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 23:3

Yob dell miro djipen nevi zoor. Yob anell man ap o čačo drom, yaake har yob peskro lab koy pre das.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Debleskri gili 37:31

O Debleskre laba hi an leskro dji. Oun yob perell gar o čačo dromestar tele.

Debleskri gili 66:9

Yob rikras men ap o djipen, oun das yak, te peras gar.

Debleskri gili 97:10

T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Jesaja 35:9

Kek levo hi kote; vitar kek vavar firho, hoy vavar firhen rhal, djal ap ko drom; save firhe venn gar kote hatslo. Ap kava drom djan kokres save menshe, kolen o baro Devel vin las dran o pandepen.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.