Gosewe laba 19:20 - O Debleskro Lab 2024 (Sinte-Manouche)

²⁰ Shoun ap kova, hoy yek ap toute penell, oun mouk touke čomone te penell, te vess pal kova gosevo.

O Debleskro Drom 2021 (Sinte)

²⁰ Shun ap kowa, hoi jek ap tute penell, un muk tuke tchomone te penell, te wess pal kowa gosewo.

Gosewe laba 19:20 ပူးပေါင်းရင်းမြစ်များ

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

Debleskri gili 90:12

Sike men, har sik maro djipen trouyel hi, te vas mer gosevo.

Debleskri gili 90:14

Haki tsalla kre maro djipen pherdo tiro lačepen! Palle sharah tout oun givah touke gilya yaake rah har djivah.

Gosewe laba 1:2

Kal laba sikrenn mende, hoy čačo gosvepen hi, te nay hayvas, hoy men doureder anell, oun hoy gosevo rakepen kamell te penell.

Gosewe laba 1:3

Kol laba sikrenn mende, har te djivas mishto oun čačo, har te djivas i djipen kek rhorhepah, oun har te djas ap o čačo drom.

Gosewe laba 1:8

Miro čavo, shoun ap i laba, hoy tiro dad touke penell! De yak ap kova, hoy tiri day toutar kamell!

Gosewe laba 12:15

O drom, kay o dinelo djal, hi an leskre yaka čačo. I gosevo mensho shounell ap kova, hoy vavar leske penenn, te krell lo.

Gosewe laba 13:10

Mank i pre-phourde hi hako tsiro čingepen. Te hal gosevo, moukeh touke čomone te penell.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Gosewe laba 19:19

Kova, kay dran i bari rholi čomone kras, mouk les peskri phagi te lell. Veh tou ap leskri rig, hounte kress tou kova pale te pale.

Gosewe laba 4:1

Mire čave, shounenn ap kova, hoy me, t'maro dad, t'menge pashel anau. Denn yak ap mire laba, te venn gosevo!

Gosewe laba 8:14

Mire labentsa sikrau yekeste o drom, oun krau leskre yaka pre. Djinau, hoy mishto oun gar mishto hi, oun man hi i zoor.

Gosewe laba 8:33

Shounenn, te dau t'men trad! Lenn kova ap o dji oun krenn, hoy penom!

Jeremia 6:8

Yerusalem, mouk tout trad te dell! Te shouneh tou gar, krau me miro dji touke pandlo. Oun dran toute krau i nango them, kay kek nay djivell bouder.

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

5. Mose 32:29

Har kamaus, te vans le gosevo! Palle hayvans le, hoy ap lende vella.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.