Gosewe laba 17:17 - O Debleskro Lab 2024 (Sinte-Manouche)

¹⁷ I maal sikrell hako tsiro pengro kamlepen. Oun i phraal vell boldo, te vell lo touke ap i rig an phare tsirya.

O Debleskro Drom 2021 (Sinte)

¹⁷ I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

Gosewe laba 17:17 ပူးပေါင်းရင်းမြစ်များ

2. Samuel 1:26

Miro phraal Yonatan, miro kamlo maal, me rovau pral toute. Man his bari barht pral toute. Tiro malengro kamlepen his mange feteder har i djouvyengro kamlepen.

2. Samuel 15:21

O Itay penas ap o baro rayeste: “Me dau man sovel pash o djido Debleste: Yaake har čačo hi, kay tou, miro baro ray, djiveh, me, tiro boudepaskro, djau touha, kay tou ninna djah. Hi mange yek, te merau oder te ačau djido.”

Ester 4:14

Tou te peneh či kanna an kava tsiro, palle vell i vavar, kay men bibolden vin lell. Oun tou oun tiro dadeskro kheer venn maredo. Oun koon djinell, te val tou gar rani savo tsireske har kava kanna hi?”

Gosewe laba 16:28

I midjak mensho anell čingepen. Oun kova, kay djoungelo koova pral vavarende rakrell, krell, te čingrenn pen lače mala.

Gosewe laba 18:24

Dell mala, kay anenn tout an i bibarht. I čačo maal rikrell boudeder ap toute har i phraal.

Gosewe laba 19:13

I dinelo anell peskro dades an i bibarht. Oun i djouvel, kay i tselo tsiro čingepen rodell, hi har i kheer, kay dren della.

Gosewe laba 19:7

I phrala i čorvelestar kamenn či lestar te djinell. Oun har boud boudeder rikrenn pen leskre mala lestar krik. Te kamell lo lentsa te rakrell, hi le bouder gar koy.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Ruth 1:16

I Ruth penas: “Rake gar ap mande dren, te moukap tout! Me moukau tout gar. Kay tou djah, djau me ninna. Kay tou ačeh, ačau ninna. Tire menshe hi mire menshe. Oun tiro Devel hi ninna miro Devel.

1. Samuel 18:3

Oun o Yonatan oun o David dan pen sovel, te hi le mala. O Yonatan kamas les boudeder har peskro djipen,

1. Samuel 19:2

penas kova o Davideske oun penas: “Miro dad kamell tout te marell. Yaake khate tout taysarlakro oun rike tout khatemen.

1. Samuel 19:3

Me kamau miro dadeha vin te djal kote ap kay platsa, kay tou hal, oun rakrau leha pral toute. Oun hoy shounau, kova penau touke pale.”

1. Samuel 20:17

Oun o Yonatan mangas o Davides: “De tout kate sovel, te ačess miro maal.” O Yonatan kamas o Davides har peskro djipen.

1. Samuel 23:16

Kote kras pes o Sauleskro čavo, o Yonatan, ap o drom, oun djas pash o David pre an Horesha, oun kras leskro dji zorelo an o patsepen ap o Debleste.