Gosewe laba 16:20 - O Debleskro Lab 2024 (Sinte-Manouche)

²⁰ Kova, kay dell yak ap o lab, hoy leske penlo vas, hatsell barht, oun kova hi barhtelo, kay čivell peskro dji ap o baro Debleste.

O Debleskro Drom 2021 (Sinte)

²⁰ Kowa, kai dell jak ap o lab, hoi leske penlo was, hatsell bacht, un kowa hi bachtelo, kai tchiwell peskro dji ap o baro Debleste.

Gosewe laba 16:20 ပူးပေါင်းရင်းမြစ်များ

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 146:5

Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 32:10

Ap i čilače menshende venn boud douka. Koon čivell peskro tselo patsepen ap o baro Debleste, troul koleste čivell yob peskro lačepen.

Debleskri gili 34:8

O baro Debleskro bolepaskro hi troul kolende, kay djivenn o baro Debleha, oun lell len vin dran i bibarht.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Gosewe laba 13:15

Kol menshe, kay hayvenn, hoy hounte kerdo vell, hatsenn mala. I phoukepangre djan i drom, kay anell len an i bibarht.

Gosewe laba 17:2

I boudepaskro, kay djinell, hoy te krell, kova vell o ray pral o čaveste ko kherestar, kay ladj ap peste anas. Ko boudepaskro lell palle ninna kolestar, hoy i čave lenna pral pengro dadeskro merepen.

Gosewe laba 19:8

Kova, kay peske boud pashel anas, kras peske lačepen. Kova, kay lauter mishto hayvell, hatsell barht.

Gosewe laba 8:35

Ko mensho, kay man hatsas, kova hatsas o djipen, oun o baro Devel dikell lačes ap leste.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:23

Miro Devel bičras peskro bolepaskres, oun kova pandas i mouya kol levendar, yaake te nay doukran le man gar. Miro Devel dikell kek doosh ap mande. Oun ninna ap toute, miro baro ray, krom me či, koleske i phagi hounte loms.”

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!