Gosewe laba 15:8 - O Debleskro Lab 2024 (Sinte-Manouche)

⁸ O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

O Debleskro Drom 2021 (Sinte)

⁸ O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 15:8 ပူးပေါင်းရင်းမြစ်များ

2. Samuel 15:12

Oun o Absalom anas firhen, te venn le rhačedo o Debleske. An o foro Gilo djivas o Davideskro rakepaskro, o Ahitofel. Koles moukas o Absalom ninna pash peste te anell. Oun kol morsha, kay djan o Absalomeha, van boud oun boudeder. Yaake van kolla boud, kay čivan pen čorrhanes leha khetne.

1. Rajengro liil 3:10

Oun his mishto an i yaka o Deblestar, kay o Salomo kova lestar mangas.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Debleskri gili 141:2

Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!

Gosewe laba 10:24

Kolestar i čilačo darell, kova vell pral leste. Oun kova, hoy i lače mangenna, kova vell lenge dino.

Gosewe laba 15:29

O baro Devel hi dour krik kolendar, kay čilačo hi. Yob shounell kova, hoy kolla lestar mangenna, kay an o čačepen tardo hi.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Gosewe laba 28:9

Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Sikepaskro 5:1

Ma kre tiro mouy sik pre, te rakreh glan o Debleste. O Devel hi an o bolepen, oun tou hal ap i phoub. Doleske kre gar boud laba, te rakreh.

Kamlepaskri gili 2:14

Miri tauba, ma khate tout glan mande, har i čirklo khatrell pes mank i bare barra, an o khatepen ap i berge! Mouk man tout te dikell, mouk man tout te shounell! Goudlo hi tiro rakepen, oun kamles dikeh tou vin.

Jesaja 61:8

Me, o baro Devel kamau o čačepen, oun hom rhoyedo pral o čorepen oun o čilačepen. Oun čačepah, me dau lačo koova i menshende an Youda ko tselo čilačepaske, hoy ap lende vas. Oun me krau lentsa vin, te ačas mer mala hako tsiro. Koy pre dau miro čačo vast.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jeremia 6:20

Me poučau či pal o soungepaskro koova dran o them Saba, oun pal ko goudlo soungepaskro djet, hoy vell dran i dour them. Kol firhe, hoy t'mer mange rhačrenna, kamau me gar. Oun ap kol firhe, hoy t'mer mange marenna, dikau gar lačes.

Daniel 9:23

Har mangal o Debles, oun rakral tire erste laba vin, lom i lab lestar. Oun me vom, te penap touke kava lab. Tou hal kouč o Debleske. Kanna de yak, hoy penau, te hayvess, hoy ko dikepen kamell te penell.

3. Mose 7:18

Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo. Oun koon rhal kolestar, hounte hidjrell peskri doosh, hoy yob koleha ap peste las.

Micha 6:6

T'mer poučenn: Har te vap glan o baro Debleste? Hoy te anap ko pralstouno Debleske? Har nay mangau les an? Anap leske groumya, hoy yek bersh phouro hi, te venn le leske maredo oun tseles rhačedo?

Micha 6:7

Hi o baro Devel barhtelo pral boud zerya bakre, oun deesh zerya khore djet? Hounte dap leske miro phoureder čaves, te vell miri doosh krik lino oun ko čilačo koova, hoy krom?

Haggai 2:14

Koy penas o Haggay: Yaake hi ninna kal menshentsa an kava them. An mire yaka hi le pale-čidde. Oun lauter, hoy krenn le pengre vastentsa, hi pale-čiddo, ninna ko koova, hoy le mange anenn.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Johanni 4:24

O Devel hi kek mensho, – yob hi i dourho. Oun kolla, kay mangenn les an, kolen hounte vell o Debleskro Dourho. Kova sikrell len, har te mangenn le les čačepah an.”