Gosewe laba 15:28 - O Debleskro Lab 2024 (Sinte-Manouche)

²⁸ Koon an o čačepen tardo hi, rakrell peskro djiyeha glan kova yob čomone penell. Dran o mouy o čilačestar venn čilače laba vin har divyo pani.

O Debleskro Drom 2021 (Sinte)

²⁸ Koon an o tchatchepen tardo hi, rakrell peskro djijeha glan kowa job tchomone penell. Dran o mui o tchilatchestar wenn tchilatche laba win har diwjo pani.

Gosewe laba 15:28 ပူးပေါင်းရင်းမြစ်များ

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Gosewe laba 10:19

Koon boud laba krell, anell ninna doosh ap peste. Koon peskro mouy rikrell, hi gosevo.

Gosewe laba 10:32

O rakepen kolestar, kay an o čačepen tardo hi, krell barhtelo. O rakepen i čilačendar doukrell.

Gosewe laba 13:16

Hakeno, kay gosevo hi, krell či, te rakras lo gar peskro djiyeha pral kova. I dinelo mensho dell peskro narvlepen vin gole.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 16:23

I mensho i gosevo djiyeha rakrell laba, hoy mishto hi. Oun kova, hoy lo penell, sikrell i vavarende, hoy te krenn le.

Gosewe laba 29:11

I dinelo rikrell peskri rholi gar pale. I gosevo hi o ray pral peskri rholi.

Gosewe laba 29:20

Dikeh tou i morshes, kay sik ap o rakepen hi, i dineleske nay djal feteder har saveske.

Sikepaskro 5:2

Koneske boud an o shero trouyel djal, kova dell phare sounya. Oun koon boud laba krell, rakrell sik dinelo koova.

Sikepaskro 5:6

Čačepah, boud sounya oun boud laba molenn či. Dran kova kre kova, hoy o Debles sharell!

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.