Gosewe laba 15:27 - O Debleskro Lab 2024 (Sinte-Manouche)

²⁷ Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

O Debleskro Drom 2021 (Sinte)

²⁷ Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

Gosewe laba 15:27 ပူးပေါင်းရင်းမြစ်များ

1. Rajengro liil 2:40

Kote čivas o Shimi i ledertikri plarhta ap peskri bourika, beshas pes pre, oun klissas an o foro Gat pash o Akish, te rodell lo peskre boudepangre. Oun yob vas koy, hatsas len oun anas len pale an o foro Yerusalem.

2. Rajengro liil 5:27

Ko nasslepen, hoy o Naamanes ap peskro mass his, perell ap toute oun tire menshende, kay pal toute venna.” Koy djas o Gehasi lestar krik, oun ko nasslepen his ap leskro mass oun dikas vin har gib.

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 23:8

Te hi yek an o čingepen i vavareha oun kamell tout te ginell, te dess les čačepen, ma le kova, hoy yob kamell tout dell! Koon sau koova an-lell, vell korelo o čačepaske oun dikell bouder gar, koon an o čačepen hi.

Gosewe laba 1:19

Yaake djal hakeneske, kay kamell o vavareskro bravlepen te lell. Savo mensho lell peske kokres o djipen.

Gosewe laba 11:19

Te kreh o čačepen, hal ap o drom an o djipen. Te nasheh o čilačepen palla, djah ap o drom an o merepen.

Gosewe laba 11:29

Kova, kay gar yak dell ap peskro kheer oun ap peskri familya, pral koleste vell i phourdepen, hoy lauter krik phourdell. Oun ko dinelo vell palle o boudepaskro kolestar, koles i gosevo dji hi.

Gosewe laba 15:26

O baro Devel dikell rhoyedes ap ko midjak koova, hoy lell pes i čilačo glan. Lačes dikell lo ap koleste, kay rakrell lače laba.

Gosewe laba 20:21

Te kameh sik kova te lell, hoy yek tire phourendar peskre menshenge pale moukell, palle anell kova touke kek barht.

Gosewe laba 23:4

Ab yaake gosevo, te maress tout gar tele, bravelo te vell.

Gosewe laba 28:16

I ray, kay hayvell gar mishto peskre menshentsa trouyel te djal, krell boud doosh. Koles, kay kamell gar rhorhepah braveles te vell, koles vell i lengsto djipen.

Gosewe laba 28:25

Kova, kay bokell pal i love, savo anell čingepen pre. Kova, kay rikrell pes ap o baro Debleste, lell boudeder har doha te rhal.

Gosewe laba 29:4

I baro ray, kay rikrell pes ap o čačepen, kova krell, te djal o themeske lačes. Kova, kay lell boud themeskre love peskre menshendar, kova krell o them paash.

Jeremia 17:11

Har i divyi karhni, kay beshell pes ap i yare, kay gar lakre hi, yaake djal koleske, kay lell peske bravlepen khetne rhorhepah. An o feteder tsiro nashrell lo peskro bravlepen, oun hi koy tardo har i narvelo.

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

5. Mose 7:26

T'mer hounte anenn kek savi figura an t'mare khera, te venn t'mer gar lentsa khetne moulo dino. Čačepah, dikenn ap lende har ap i djoungelo koova, oun denn len paash.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Josua 6:18

T'mer, denn yak, te lenn t'menge či kolestar, hoy hounte vell moulo dino. Kova te krenn t'mer, palle anenn t'mer bari bibarht oun o merepen pral i tsele Israelitarya.

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”