Gosewe laba 14:31 - O Debleskro Lab 2024 (Sinte-Manouche)

³¹ Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

O Debleskro Drom 2021 (Sinte)

³¹ Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Gosewe laba 14:31 ပူးပေါင်းရင်းမြစ်များ

Hiob 24:4

Yon tradenn i čorvelen o dromestar tele. Oun kolen či hi, kolla hounte khatrenn pen lendar.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Gosewe laba 14:21

Kova kay ap o vavareste tele dikell, anell doosh ap peste. Barhtelo vell kova, koles i dji i čorvelenge hi.

Gosewe laba 17:5

Kova kay pral i čorveleste sal, kova praasell koles, kay les kras. Kova, kay barhtelo hi pral o vavareskri bibarht, savo lell peskri phagi.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Gosewe laba 22:2

Bravelen oun čorvelen hi yek koova khetne: Kol douyen kras o baro Devel.

Gosewe laba 28:8

Kova, kay bare love kolendar lell, kolen pash leste siyaan hi, oun krell pes koleha braveles, koleskro bravlepen lell savo mensho, koles i baro dji i čorvelenge hi oun lende dell.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

3. Mose 25:35

Te vell tiro phraal čorvelo, oun nay rikrell gar, hoy leskro hi, palle vess ap leskri rig. Mouk les pash toute te djivell, har te vals lo i vi-themari oder yek, kay i tsiro pash toute boudrell.

Johanni 12:8

I čorvele hi hako tsiro pash t'mende. Me hom bouder gar rah pash t'mende.”

5. Mose 24:14

Te boudrell touke i čorvelo Israelitari, ninna i vi-themari, kay djivell an tiro foro oun tiro them, hounte rikress gar leskro playsepen pale, hoy yek diveske hi.

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.