Gosewe laba 12:24 - O Debleskro Lab 2024 (Sinte-Manouche)

²⁴ Koon boud boudrell, vell o ray pral vavar. Koon peskre vasta an i gali čiddo moukell, vell i boudepaskro, oun hounte boudrell tel dava.

O Debleskro Drom 2021 (Sinte)

²⁴ Koon bud budrell, well o rai pral wawar. Koon peskre wasta an i gali tchiddo mukell, well i budepaskro, un hunte budrell tel dawa.

Gosewe laba 12:24 ပူးပေါင်းရင်းမြစ်များ

1. Mose 49:15

Yob dikas, har shoukar leskri platsa hi oun har kamlo o them hi, oun čivas peskro phiko tele, te hidjrell lo pharo koova oun boudrell i vavarenge.

1. Rajengro liil 11:28

O Yerobeam his i terno zorelo morsh. Har o Salomo les dikas, kay yob i lačo boudi kras, čivas lo les pral i tsele boudepangre dran o kheer Yosef.

1. Rajengro liil 12:20

Oun har i menshe an Israel shounan, kay o Yerobeam pale pale vas, bičran le morshen pash leste, oun moukan leske te penell, te vell lo ap i tsillo. Oun kote čivan le les pral pende, te vell lo lengro ray, o ray pral Israel. Kokres i menshe dran o kheer Youda rikran ap o Davideskre čavende.

Gosewe laba 10:4

Koon peskre vasta an i gali čiddo moukell, kova vell čorvelo. Koon boud boudrell, kova vell bravelo.

Gosewe laba 12:27

Koon peskre vasta an i gali čiddo moukell, hatsell či, hoy yob nay rhals. Koles, kay boud boudrell, hi boud rhapaske.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 17:2

I boudepaskro, kay djinell, hoy te krell, kova vell o ray pral o čaveste ko kherestar, kay ladj ap peste anas. Ko boudepaskro lell palle ninna kolestar, hoy i čave lenna pral pengro dadeskro merepen.

Gosewe laba 19:15

Kova, kay kamell gar te boudrell, vell khino. Moukell lo peskre vasta an i gali čiddo, vell ko tsiro, kay hounte bokell lo.

Gosewe laba 22:13

Ko či-moldo, kay kamell gar te boudrell, penell: I levo hi vin ap o drom, kay nay rhals man.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Čačepangre 1:28

Oun har i Israelitarya zoreles van, kran le, te van i Kanaanitarya lengre boudepangre, kay lenge phares hounte boudran, – vin tradan le len gar.