Gosewe laba 12:15 - O Debleskro Lab 2024 (Sinte-Manouche)

¹⁵ O drom, kay o dinelo djal, hi an leskre yaka čačo. I gosevo mensho shounell ap kova, hoy vavar leske penenn, te krell lo.

O Debleskro Drom 2021 (Sinte)

¹⁵ O drom, kai o dinelo djal, hi an leskre jaka tchatcho. I gosewo mensho shunell ap kowa, hoi wawar leske penenn, te krell lo.

Gosewe laba 12:15 ပူးပေါင်းရင်းမြစ်များ

Gosewe laba 1:5

Kolla, kay gosevo hi, shounenn, har te venn le gomme gosveder. Kolla, kay siklo hi, hatsenn, har te djan le pengro drom.

Gosewe laba 13:1

I gosevo čavo shounell ap peskro dadeste, te penell yob leske, hoy lo gar mishto kras. I pre-phourdo sal oun shounell ninna gar, te vell lo trad dino.

Gosewe laba 13:10

Mank i pre-phourde hi hako tsiro čingepen. Te hal gosevo, moukeh touke čomone te penell.

Gosewe laba 14:12

Hi menshe koy, kay patsenn, kay lengro drom o čačo drom hi, oun djinenn gar, kay anell lo len an o merepen.

Gosewe laba 14:16

O gosevo darella oun rikrell pes pale o čilačepastar. O dinelo vell sik rhoyedo oun patsell, te nay djal leske kek čilačepen.

Gosewe laba 16:2

Hako drom hoy i morsh djal, hi an leskre yaka čačo, o baro Devel dikell dour an leskro dji.

Gosewe laba 16:25

Kote dell i drom, kova i morsheske čačes vin dikell, pal i tsiro anell lo les an o merepen.

Gosewe laba 19:20

Shoun ap kova, hoy yek ap toute penell, oun mouk touke čomone te penell, te vess pal kova gosevo.

Gosewe laba 21:2

Hako drom i menshestar hi mishto an peskre yaka. O baro Devel dikell palla, havo dji koy palla tardo hi.

Gosewe laba 26:12

I dinelo nay vell sikeder gosevo har yek, kay pestar kokres patsell, te hi lo gosevo.

Gosewe laba 26:16

I či-moldo, kay kamell gar te boudrell, hi an peskre yaka gosveder har efta, kay djinenn, hoy mishto oun čačo hi.

Gosewe laba 28:11

O bravelo hi gosevo an peskre yaka, oun o čorvelo, kay čačepah gosevo hi, dikell, koon glan leste hi, oun perell gar ap leste dren.

Gosewe laba 3:7

Ma ab gosevo an tire yaka! Mouk o baro Devel tiro ray te vell, oun rike tout krik i čilače dromma!

Gosewe laba 30:12

Hi menshe koy, kay an pengre yaka djoudjo hi, oun lengro djoungelo koova vas gar tele thodo.

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

Sikepaskro 4:13

I terno morsh, kay gosevo hi, ninna te hi lo gar bravelo, hi feteder har i phouro baro ray, kay dinelo hi, oun moukell peske či te penell.

Louka 18:11

Ko Farisari čivas pes tardo oun penas: Mo Devel, me parkrau man pash toute, te hom gar yaake har kal vavar menshe: čorepangre, rhorhene, oun har kolla, kay rhorhenn pengri romyat i vavar djouvyah, oun gar yaake har kova, kay koy vergel tardo hi: Ko pale-čiddo.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.