Gosewe laba 11:31 - O Debleskro Lab 2024 (Sinte-Manouche)

³¹ Djiness, i lačo mensheske ap kay phoub vell o lačepen pale dino, hoy lo kras. Har boud boudeder vell palle o čilačepen pale dino kolenge, kay o čilačepen kran oun o Debleskro drom moukan.

O Debleskro Drom 2021 (Sinte)

³¹ Djiness, i latcho mensheske ap kai phub well o latchepen pale dino, hoi lo kras. Har bud budeder well palle o tchilatchepen pale dino kolenge, kai o tchilatchepen kran un o Debleskro drom mukan.

Gosewe laba 11:31 ပူးပေါင်းရင်းမြစ်များ

2. Samuel 22:21

O baro Devel djinas, te homs an o čačepen tardo. Doleske kras lo mange lačepen. Kek doosh his ap mande. Doleske his lo mange lačo.

2. Samuel 22:25

Miro čačepen his glan leskre yaka. Oun kek doosh his ap mande. Doleske kras o baro Devel mange lačepen.

1. Rajengro liil 13:24

Oun yob klissas peske. Oun i levo hatsas les ap o drom oun maras les. Oun yob ačas koy čiddo ap o drom. Oun i bourika oun o levo his pash leste tardo.

Gosewe laba 12:1

Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Gosewe laba 13:21

Kolla, kay o Debleskro dromestar tele djan, kolen lell i bibarht palla oun taprell len. Kolla, kay an o čačepen tardo hi, lenn lačo koova.

Gosewe laba 26:10

Har yek, kay troul peste karye dell, oun hakenes doukrell, yaake hi kova, kay lell i dineles, te boudrell lo leske, oder saven, kay djan ap o drom.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jeremia 25:29

Shounenn, ko foro, hoy pal mande kharedo hi, hi kova, kay anau i bibarht glanstounes ap leste. Patsenn t'mer, kay lenn gar t'mari phagi? Na-a! T'mer ninna lenn t'mari phagi. Me bičrau o kourepen pral halauterende, kay djivenn ap kay phoub. Kova penell o baro Devel, ko ray pral o bolepen oun i phoub.

Ezekiel 44:10

Har i Israelitarya mange o doumo sikran, oun vavar deblenge palla nashan, koy djan ninna i Levitarya mandar krik. Kanna hounte hidjrenn le pengri phagi.

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.