Gosewe laba 1:22 - O Debleskro Lab 2024 (Sinte-Manouche)

²² T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

O Debleskro Drom 2021 (Sinte)

²² Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Gosewe laba 1:22 ပူးပေါင်းရင်းမြစ်များ

Hiob 34:7

Koon hi savo morsh har o Hiob, kay rikrell pes gar pale te praasell lo i vavaren? Kova hi leske har te piyals lo pani.

Debleskri gili 1:1

Barhtelo hi kova, kay shounell gar ap kova, hoy i čilače penenna, Barhtelo hi kova, kay djal gar kolentsa, kay moukan o Debleskro drom. Barhtelo hi kova, kay beshell gar pash kolende, kay sanenn pral o Debleste.

Debleskri gili 94:8

Denn yak, t'mer dinele mank i menshende, t'mer narvele, kamenn gar gosevo te vell?

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 16:28

Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom?

Gosewe laba 1:21

Yoy moukell pes glan i bare voudya an o foro te shounell, oun kote, kay boud menshe khetne venn:

Gosewe laba 1:29

Yon kaman o čačepen gar te djinell, oun gar o baro Debleha te djivell.

Gosewe laba 1:32

Kolen či an o shero hi, kolla rissrenn o Debleske o doumo; oun kova anell lenge o merepen. Oun lengro pre-phourdepen marell len.

Gosewe laba 1:4

Yaake venn ninna kolla gosevo, kolen či an o shero hi. Oun terne morsha hayvenn, hoy hounte krenn le, oun dikenn dren, hoy mishto hi.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Gosewe laba 14:6

I pre-phourdo, te rodell lo o gosvepen, hatsell lo les gar. Kova, kay peskro djiyeha rakrell, koleske hi gar phares čomone dren te dikell.

Gosewe laba 15:12

O pre-phourdo rhoyrell pes pral koleste, kay leske penell, hoy lo gar mishto kras. Oun yob djal gar pash kolende, kay gosevo hi.

Gosewe laba 19:29

Pral kol pre-phourden, kay pral halauter sanenn, vell i phagi vin rakedo; oun dava ap o doumo lell o dinelo.

Gosewe laba 21:11

Te lell i pre-phourdo peskri phagi, venn ninna kolla gosevo, kolen či an o shero hi. Te aneh i goseveske čomone pashel, djinell lo boudeder.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Gosewe laba 22:3

Koles i gosevo dji hi, kova dikell, har i bibarht vella oun khatrell pes. Kolen či an o shero hi, kolla nashenn doureder, oun i bibarht vell ap lende.

Gosewe laba 3:34

Kolla, kay praasenn i vavaren, kolen praasell lo ninna. Kolla, kay krenn pen gar bares, ap kolende dikell lo lačes.

Gosewe laba 5:12

oun peneh: “Har dinelo homs, har dom gar yak, hoy mange penlo vas. Hoske shounom gar ap koleste, kay das man trad?

Gosewe laba 6:9

Tou či-moldo, kay kameh gar te boudrell, har rah kameh gomme čiddo te ačell? Kaana kameh tou pre te stell?

Gosewe laba 7:7

Ap o drom dikom boud terne morshen, oun mank lende yek, koles či an o shero hi.

Gosewe laba 8:5

Hayvenn t'mer či? Palle denn yak ap goseve laba! Han t'mer dinelo? Palle dikenn dren, hoy t'menge mishto hi!

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

4. Mose 14:27

“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran.

Mateo 17:17

Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

Louka 19:42

oun penas: “Barhtelo vans t'mer, te djinans t'mer kava dives, koon anell t'menge o Debleskri barht! T'mer han korelo. T'mer dikenn les gar.

Johanni 3:20

Kolla, kay o čilačo koova krenna, kamenna gar koy momeli. Yon ačenn penge an o tamlepen, yaake kay dikenn i vavar gar, havo čilačo koova yon krenna.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.