Galatarja 6:2 - O Debleskro Lab 2024 (Sinte-Manouche)

² Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

O Debleskro Drom 2021 (Sinte)

² Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Galatarja 6:2 ပူးပေါင်းရင်းမြစ်များ

1. Familjakro liil 19:12

Oun penas ap leste: “Te hi kol Syrarya zorleder har me, veh tou ap mari rig. Te hi kol Ammonarya zorleder har tou, vau me ap tiri rig.

2. Mose 23:5

Te phagas i bourika khetne tel ko kova, hoy ap late čiddo vas, dja koy oun dja koleske pash o vast, koleske i bourika hi, ninna te hal tou leha an o čingepen, oun dik, te vell koy bourika pale ap i herya!

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Mateo 8:17

Yaake vas kova čačes, hoy o Debleskro rakepaskro, o Yesaya, glan i rah tsiro penas: Yob las mare douka, oun maro nasslepen mendar.

Louka 11:46

Koy penas o Yezous: “T'mer čačepangre, t'mer krenna, hoy gar mishto hi. T'mer krenn i menshenge o djipen pharo. Ko tselo koova, hoy yon hounte rikrenn, hi har i pharo gono ap lengri phik. Oun t'mer rikrenn t'men gar ap kova.

Johanni 13:34

Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

Johanni 15:12

Kova kamau t'mendar, te kamell yek o vavares o djiyestar yaake har me t'men kamau o djiyestar.

Remarja 15:1

Mer, kay ham zorelo an o patsepen, hounte dikas ap kolende, kay hi gar zorelo an o patsepen, te hidjras mer lentsa, hoy lenge pharo hi. Mer hounte dikas gar ap mende kokres, te djal menge mishto.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 9:21

Te hom me pash i menshende, kay rikrenn pen gar ap o Moseskre laba, palle djivau me har yon, te anap len pash o Yezous Kristeste, ninna te rikrau me man ap o Debleskro čačepen. Oun kova hi o Yezous Kristeskro lab.

Galatarja 6:5

Hakenes hi doha an peskro djipen, hoy hounte hidjrell lo.

5. Mose 1:12

Djinenn, me nay hidjrau koy boudi hoy t'mer mange krenn, gar kokres, nay rakrau gar kokres o čačepen vin an t'maro tselo koova, oun t'maro tselo čingepen!

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

Jakobo 2:12

Rakrenn oun djivenn pal o Debleskro čačepen! Kava čačepen lell i menshen dran kova vin, hoy len pandas.

Jakobo 2:8

O Yezous Kristo hi maro baro ray oun penell menge: Tou hounte vess yaake lačes ap o vavareste har hal lačo ap toute kokres! Yaake hi činlo an o Debleskro lab. Te djivenn yaake, palle krenn t'mer, hoy mishto hi.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

2. Petro 2:21

Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.