Galatarja 5:26 - O Debleskro Lab 2024 (Sinte-Manouche)

²⁶ Mer rodas gar pal kova, te vas bareder oun feteder har kol vavar. Mer čingras gar oun dikas gar čilače yakentsa ap kova, hoy ko vavares hi!

O Debleskro Drom 2021 (Sinte)

²⁶ Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

Galatarja 5:26 ပူးပေါင်းရင်းမြစ်များ

Louka 14:10

Tou te djah ap i biyab, palle besh tout ap o telstouno beshepaskro! Oun kova, kay kamas, te djah tou ap peskri biyab, vella pash toute oun penella: Miro maal, besh tout ap i feteder beshepaskro! Oun lauter, kay kote ap i biyab hi, dikenn, kay tou i an-diklo morsh hal.

1. Korintarja 3:7

Kova, kay o djob an i phoub vitsrella, hi gar bareder har kova, kay o pani pre čorella. O Devel hi bareder, kay moukell o djob bares te vell.

Galatarja 5:15

Te dandrenn t'mer t'men har midjak djoukle, denn yak, te rhal yek kol vavares gar pre!

Filiparja 4:15

T'mer patsle, kay an o foro Filipi djivenna, t'mer djinenna, har krom man ap o drom, te penap i menshenge o lačo lab o Yezous Kristestar, oun djom dran o them Macedonia vin. An ko tsiro dan t'mer man lauter, hoy man hounte vas djipaske. Kek vavar patsle, pash kolende homs, kran kova, har t'mer kokres.

Jakobo 4:16

Kova penenn t'mer gar. T'mer krenn t'men bares, oun sharenn t'men pral kova, hoy t'mer krenna. T'maro sharepen hi gar mishto.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.