Galatarja 5:25 - O Debleskro Lab 2024 (Sinte-Manouche)

²⁵ O Debleskro Dourho das men o nevo djipen. Doleske djivas yaake, har yob kamella.

O Debleskro Drom 2021 (Sinte)

²⁵ O Debleskro Ducho das men o newo djipen. Doleske djiwas jaake, har job kamella.

Galatarja 5:25 ပူးပေါင်းရင်းမြစ်များ

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Remarja 8:10

Te djivell o Yezous Kristo an t'mende, han t'mer čačo glan o Debleste, oun o Debleskro Dourho dell t'men o djipen, ninna te vell ko dives, kay hounte merell t'maro mass. O čilačepen an i menshende kras, te hounte merell o mass.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

Galatarja 5:16

Me penau t'menge: Djivenn yaake, har o Debleskro Dourho t'menge penella! Yob te hi t'mentsa, palle krenn gar o čilačepen, hoy an t'mende hi.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

1. Petro 4:6

Doleske vas ninna i moulenge o lačo lab o Yezous Kristestar penlo, te nay lenn le o Debleskro djipen, ninna te meran le, har i tsele menshe hounte merenn.

Debleskro tsiro 11:11

Oun me dikom: Pal kol triin-te-paash divessa kras o Devel len pale djido. Oun yon stan pre. Oun i bari daar tapras kolen, kay kova dikan.