Galatarja 5:17 - O Debleskro Lab 2024 (Sinte-Manouche)

¹⁷ Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

O Debleskro Drom 2021 (Sinte)

¹⁷ Kowa, hoi an mende hi, kamell gar kowa, hoi o Debleskro Ducho kamella. Un kowa, hoi o Debleskro Ducho kamella, hi gar kowa, hoi an mende hi. Kol dui sorja tchingrenn pen jaake, kai nai krenn tumer gar ko latchepen, hoi kamenn tumer te krell.

Galatarja 5:17 ပူးပေါင်းရင်းမြစ်များ

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

Debleskri gili 119:133

Mouk te ačap zoreles ap tiro drom, yaake har tou penal, te vell o čilačepen kek ray pral mande!

Debleskri gili 119:159

Dik, har me kamau tire laba, hoy menge penenn, hoy te kras mer. Baro Devel, tou hal yaake lačo, de man pale nevi zoor!

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Debleskri gili 119:20

Miro dji rhačrell, te dikap har tou rakreh o čačepen vin.

Debleskri gili 119:32

Miro dji hi dour pre, te krap lauter yaake har tou mandar kameh.

Debleskri gili 119:35

Ab mange ap i rig, te rikrap tire laba! Shoukar hi le mange.

Debleskri gili 119:40

Pen mange, hoy te krap touke! Tou hal an o čačepen tardo. De man pale nevi zoor an miro djipen!

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 65:3

Tou shouneh, hoy toutar mangah. Doleske venn i tsele menshe pash toute.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Mateo 12:30

Koon gar ap miri rig hi, kova hi ap ko vavareskri rig. Oun koon gar i menshe pash mande anella, kova tradell len mandar.

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Mateo 26:41

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Louka 22:33

Penas o Petro: “Ray, me djoms touha an o stilepen oun an o merepen.”

Louka 22:46

penas lo ap lende: “Hoske sovenn t'mer? Stenn pre oun mangenn o Deblestar, te nay anell t'men či o Debleskro dromestar tele!”

Johanni 3:6

Koon i menshestar boldo vella, hi i mensheskro čavo. Koon dran o Debleskro Dourho boldo vella, hi i Debleskro čavo.

Remarja 8:13

Te djivenn t'mer t'maro phouro djipen, merenn t'mer. Te djivenn t'mer yaake, har o Debleskro Dourho kova kamella, oun penenn na-a ap o čilačepen, hoy an t'maro shero hi, palle djivenna.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.