Galatarja 5:14 - O Debleskro Lab 2024 (Sinte-Manouche)

¹⁴ Te vell yek yaake lačo ap o vavareste har yob lačo ap peste hi, palle krell lo lauter, hoy o Devel lestar kamella.

O Debleskro Drom 2021 (Sinte)

¹⁴ Te well jek jaake latcho ap o wawareste har job latcho ap peste hi, palle krell lo lauter, hoi o Dewel lestar kamella.

Galatarja 5:14 ပူးပေါင်းရင်းမြစ်များ

3. Mose 19:18

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

3. Mose 19:34

Djan leha yaake trouyel, har te vals lo yek t'mendar! Tou vess yaake lačes ap leste har hal lačes ap toute. T'mer ninna hans vi-themarya an o them Egiptia. Me, o baro Devel, hom t'maro Devel.

Mateo 7:12

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

Markus 12:31

O douyto Debleskro lab hi kova: Te vess yaake lačes ap koleste, kay pash toute hi, har hal lačes ap toute kokres. Kek vavar lab, hoy penell, hoy o Devel mendar kamella, hi bareder har kolla douy.”

Markus 12:33

Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”

Johanni 13:34

Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

Galatarja 1:6

Mange ačas o rakepen krik, har me shounom, kay t'mer moukan yaake sik o Yezouseskro drom. O Devel das t'men gole, te patsenn ap o Yezous Kristeste, kay his yaake lačo ap t'mende. Oun kanna shounenn t'mer ap menshende, kay kamenn t'men ap i vavar drom te anell.

Galatarja 6:2

Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.