Galatarja 5:11 - O Debleskro Lab 2024 (Sinte-Manouche)

¹¹ Mire phrala, me te penoms i menshenge, te moukenn pen yon ap o mass te činell, lans i bibolde man gar palla. Palle rhoyrans le pen gar pral kova, kay rakrau pral o Yezouseskro merepen ap o troushel, oun penau lenge, kay yob kokres men pash o Debleste anella.

O Debleskro Drom 2021 (Sinte)

¹¹ Mire phrala, me te penoms i menshenge, te mukenn pen jon ap o mass te tchinell, lans i bibolde man gar palla. Palle choirans le pen gar pral kowa, kai rakrau pral o Jesuseskro merepen ap o trushel, un penau lenge, kai job kokres men pash o Debleste anella.

Galatarja 5:11 ပူးပေါင်းရင်းမြစ်များ

Jesaja 8:14

Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

Bičepangre 16:3

Koles kamas o Paulo peha te lell ap o drom. Yob las les oun činas les ap o mass, har kova pash i bibolde hi, te čingrenn i bibolde gar koy pral. I bibolde djinan lauter, kay leskro dad kek biboldo hi.

Bičepangre 21:21

Lenge vas pral toute penlo, kay tou kol biboldenge an i vavar themma penals, te moukenn le pengre čave bouder gar ap o mass te činell, oun te djivenn le bouder gar pal o Moseskre laba.

Bičepangre 21:28

oun dan gole: “Morshale dran o them Israel, avenn pash mende! Kava hi ko morsh, kay i tsele menshen ap i phoub dinelo krella. Yob rakrell djoungeles pral i biboldende, pral o Moseskre lila, oun pral o Debleskro baro kheer. Kanna anas yob ninna kolen, kay kek bibolde hi, an o Debleskro baro kheer, oun kras maro Debleskro baro kheer pale-čiddo.”

1. Korintarja 1:18

Maro rakepen pral o Yezouseskro merepen ap o troushel hi dinlepen kolenge, kay djan nashedo. Mer, kay ham ap maro drom an o bolepen, dikah an ko lab o Debleskri bari zoor.

1. Korintarja 1:23

Mer penah i menshenge, kay o Yezous Kristo ap o troushel hounte meras. Pral kova hi i bibolde rhoyemen. Oun i vavar menshenge hi kova dinlepen.

1. Korintarja 15:30

Oun hoy hi mentsa? Hoske penah mer o Debleskro lab doureder, te djinah mer, te nay vah mer hako tsiro moulo dino?

Galatarja 2:3

O Tito, kay kek biboldo hi, his pash mande. Oun kol patslengre pralstoune penan gar, kay hounte vell yob ap o mass činlo.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Galatarja 4:29

An ko phouro tsiro his yaake: Ko čavo, kay vas boldo, har i menshe kova kaman, kova las koles palla, kay vas boldo dran o Debleskri zoor. Kova hi kava dives ninna yaake.

Galatarja 6:12

Kol morsha, kay kamenn zoryah, te moukenn t'men ap o mass te činell, kolla kamenn kol vavarende te sikrell, har lačo yon hi. Kova krenn le, te venn le gar palla lino. Te penans yon, kay o Yezous Kristeskro merepen ap o troushel kokres kova hi, hoy čivell men an o čačepen glan o Debleste, vans yon palla lino.

Galatarja 6:17

Ma krenn mange bouder kek douka! Man hi boud činepen ap mande, hoy sikrenna, kay vom o Yezouseske dino.