Galatarja 4:9 - O Debleskro Lab 2024 (Sinte-Manouche)

⁹ Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

O Debleskro Drom 2021 (Sinte)

⁹ Kanna prindjrenn tumer o Debles. Feteder hi, te penau me: O Dewel prindjrell tumen. Har nai tchiwenn tumer tumen pale tel kol sorja, ap kolende i menshe pandlo hi? Tumer shunenn pale ap laba, hoi tchi moldo hi, un an lende kek soor hi.

Galatarja 4:9 ပူးပေါင်းရင်းမြစ်များ

1. Rajengro liil 8:43

palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an, yaake har tire menshe Israel. Palle djinenn le, kay tou djiveh an kava kheer, hoy touke krom.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

2. Mose 33:17

O baro Devel penas ap o Moseste: “Ninna kava, hoy tou mandar mangal, kamau me te krell. Tou hal lačes glan mire yaka, me prindjrau tout oun djinau tiro lab.”

Gosewe laba 2:5

Palle hayveh, har nay djiveh o baro Debleha, oun prindjreh les boud oun boudeder.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Louka 5:38

I nevi mool vell čoredo an i neve molyakre gone.

Johanni 10:14

Me hom o lačo bakrengro oun prindjrau, koon mire bakre hi. Yon prindjrenn man,

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

2. Korintarja 11:20

Te hadell pes yek pral t'mende, krenn t'mer, hoy yob penell. Te kamell yob t'mare love te lell, oun kamell t'men ap peste te pandell, oun ninna yob te doukrell t'men, oun dell t'men an o mouy, moukenn t'mer kova t'mentsa te krell.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Galatarja 3:3

Har vell kova, kay hayvenn t'mer kova gar? Dran o Debleskri zoor van t'mer patslo. Kamenn t'mer kanna dran t'mari zoor čačo glan leste te vell?

Galatarja 4:3

Yaake djas menge kova ninna. An ko tsiro, har gomme gar patslo hams, hams har tikne čave oun hams tel i zoor kolendar tardo, kay hi i raya pral kay phoub, oun hams ap lende pandlo.

Efesarja 1:17

te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Hebrearja 7:18

Yaake čivas lo kol phoure laba, hoy o Mose i menshenge penas, ap i rig. An kol laba his kek zoor. Oun yon his či moldo.

2. Petro 2:20

Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.