Galatarja 4:30 - O Debleskro Lab 2024 (Sinte-Manouche)

³⁰ O Debleskro lab penell koy pral: Trade koy boudepaskretsa peskro čaveha toutar krik, te lell yob gar peskro dadeskro bravlepen. Ko bravlepen lell ko čavo, koleskri day i rayetsa hi.

O Debleskro Drom 2021 (Sinte)

³⁰ O Debleskro lab penell koi pral: Trade koi budepaskretsa peskro tchaweha tutar krik, te lell job gar peskro dadeskro brawlepen. Ko brawlepen lell ko tchawo, koleskri dai i rajetsa hi.

Galatarja 4:30 ပူးပေါင်းရင်းမြစ်များ

Johanni 8:35

I boudepaskro ačell gar hako tsiro an peskro rayeskro kheer. O čavo ačella yaake rah, har yob djivella.

Remarja 11:2

Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

Remarja 4:3

Hoy hi činlo an o Debleskro lab? Kote hi tardo: O Abraham patsas o Debles, oun doleske čivas o Devel les an o čačepen.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

Galatarja 4:22

Kote hi činlo: O Abrahames his douy čave. Ko yekeskri day his i boudepaskretsa, i Hagar. Oun ko vavareskri day his i rayetsa, i Sara.

Galatarja 4:31

Mire phrala, mer ham gar i čave kolatar, kay hi i boudepaskretsa. Mer ham i čave kolatar, kay hi i rayetsa!

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.