Galatarja 4:3 - O Debleskro Lab 2024 (Sinte-Manouche)

³ Yaake djas menge kova ninna. An ko tsiro, har gomme gar patslo hams, hams har tikne čave oun hams tel i zoor kolendar tardo, kay hi i raya pral kay phoub, oun hams ap lende pandlo.

O Debleskro Drom 2021 (Sinte)

³ Jaake djas menge kowa ninna. An ko tsiro, har gomme gar patslo hams, hams har tikne tchawe un hams tel i soor kolendar tardo, kai hi i raja pral kai phub, un hams ap lende pandlo.

Galatarja 4:3 ပူးပေါင်းရင်းမြစ်များ

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Johanni 8:31

Ap kol biboldende, kay kanna ap leste patsan, penas lo: “T'mer te krenna, hoy me t'menge penau, palle han t'mer čačepah mire mala, kay mire laba pre lan.

Bičepangre 15:10

Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

2. Korintarja 11:20

Te hadell pes yek pral t'mende, krenn t'mer, hoy yob penell. Te kamell yob t'mare love te lell, oun kamell t'men ap peste te pandell, oun ninna yob te doukrell t'men, oun dell t'men an o mouy, moukenn t'mer kova t'mentsa te krell.

Galatarja 2:4

His vavar morsha koy. Yon kran, har te vans le patsle. Yon kaman te dikell, har kol patsle djivenna, kay bouder gar ap o Moseskre laba pandlo hi. Mer, kay ham bouder gar pandlo ap kol laba, djivah kanna pal o Yezouseskre laba. Oun kol morsha, kay djivenn gar pal o Yezouseskre laba, kaman, te vas mer pale pandlo ap o Moseskre laba.

Galatarja 3:19

Hoske hi o Moseskre laba koy? O Devel das len mende, te dikas mer, har baro maro čilačepen hi. O Moseskre laba ačan tardo yaake rah, bis te vas o Abrahameskro čavo, ko yek, konestar o Devel penas, te vell yob. I bolepangre anan kol laba o Moseske. Kova his tardo mank i menshende oun o Debleste. Oun o Mose das kol laba i menshende.

Galatarja 4:2

Yob hi an i vasta kolendar, kay denn garda ap leste, bis te vell ko tsiro, kay leskro dad penas, te lell yob ko bravlepen.

Galatarja 4:24

Kal douy djouvya hi har douy koova, hoy o Devel i menshentsa an Israel vin kras. Yek koova kras o Devel lentsa vin ap i berga Sinay. Kote lan i menshe o Moseskre laba. Kol laba hi o ray pral lende, yaake har his i ray pral i Hagar tardo.

Galatarja 4:25

I Hagar hi har i berga Sinay an Arabia. Yaake har kote i menshe ap o Moseskre laba pandlo van, yaake hi kanna o foro Yerusalem peskre menshentsa ap o Moseskre laba pandlo.

Galatarja 4:31

Mire phrala, mer ham gar i čave kolatar, kay hi i boudepaskretsa. Mer ham i čave kolatar, kay hi i rayetsa!

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

Kolossarja 2:20

T'mer meran o Yezous Kristeha. Doleske hi i phoubyakro koova bouder gar o ray pral t'mende. Hoske rikrenn t'men gomme ap kol menshengre laba, kay penenn t'menge:

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

Hebrearja 5:12

T'mer han yaake rah patslo, kay hounte vans sikepangre i vavar menshenge. Kova han t'mer gar. T'mende hounte vell pale o Debleskro drom siklo har djinans les gomme gar. Yaake han t'mer har tikne čave, kay piyenna thoud, oun nay rhan kek morsheskro rhapen.