Galatarja 4:25 - O Debleskro Lab 2024 (Sinte-Manouche)

²⁵ I Hagar hi har i berga Sinay an Arabia. Yaake har kote i menshe ap o Moseskre laba pandlo van, yaake hi kanna o foro Yerusalem peskre menshentsa ap o Moseskre laba pandlo.

O Debleskro Drom 2021 (Sinte)

²⁵ I Hagar hi har i berga Sinai an Arabia. Jaake har kote i menshe ap o Moseskre laba pandlo wan, jaake hi kanna o foro Jerusalem peskre menshentsa ap o Moseskre laba pandlo.

Galatarja 4:25 ပူးပေါင်းရင်းမြစ်များ

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Debleskri gili 68:8

Maro Devel, har djal tou glan tire menshende, oun anal len ap o drom mashkral o moulo tato them,

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Louka 13:34

“T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre ternende garda della, oun lell len tel peskre phora. Oun t'mer kaman gar.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”

Bičepangre 1:11

Kolla penan: “Morshale dran o them Galilea, hoske han t'mer koy tardo, oun dikenn an o bolepen? Kava Yezous, kay djas t'mendar krik an o bolepen, kova vell yaake dran o bolepen pale, har dikan t'mer les an o bolepen te djal.”

Galatarja 1:17

djom vitar gar an o foro Yerusalem pash kolende, kay glan mande o Yezousestar bičedo van, te penenn le i menshenge leskre laba. Lendar poučom gar, hoy te krap. Na-a, me djom an o them Arabia oun vom pale pale an o foro Damaskus.

Galatarja 4:24

Kal douy djouvya hi har douy koova, hoy o Devel i menshentsa an Israel vin kras. Yek koova kras o Devel lentsa vin ap i berga Sinay. Kote lan i menshe o Moseskre laba. Kol laba hi o ray pral lende, yaake har his i ray pral i Hagar tardo.

Galatarja 4:26

Hi ninna i foro Yerusalem an o bolepen. Ko Yerusalem hi har i rayetsa, i Sara. Lakre čave hi gar pandlo ap o Moseskre laba. Yoy hi mari day.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

Hebrearja 12:18

Shounenn, mire phrala! T'maro tsillo, kay venn khetne o Debleha, hi gar ko emligo har pash i Israelitarya. Yon djan pash i berga Sinay, oun pash i yag, hoy dikan le nay. Troul lende his kali rat oun i zorelo dourho phourdas.

Čačepangre 5:5

I berge trissan glan o baro Debleste, kay sikras pes ap i berga Sinay glan peskre menshende Israel. Lengro Devel hi lo, – yob, o baro Devel.